БДИ тапшыру вакыты билгеле булды

Россия Федерациясе Юстиция министрлыгы 2015 елда БДИ тапшыру вакытын раслаган. Имтиханнарның төп дулкыны 25 майдан башлана. Бу көнне чыгарылыш сыйныф укучылары география һәм рус әдәбияты буенча бердәм дәүләт имтиханын тапшырачак.

Мәктәп укучылары 28 май көнне рус теле, 1 июньдә математика, 8 июнь көнне химия һәм җәмгыять белеме,11 июньдә чит ил телләре, 15 июньдә информатика һәм мәгълүмати-коммуникацион технологияләр, биология, тарих фәннәре буенча имтихан бирәчәкләр.