Бәйрәмгә өстәмә поездлар

Май бәйрәмнәрендә Мәскәү - Казан маршруты буенча өстәмә поездлар билгеләргә җыеналар. Бу юнәлештәге 206 нчы номерлы поезд 29 һәм 30 апрельдә, 8 һәм 10 майда 23:28 сәгатьтә кузгалачак. Казанга поездлар киләсе көннең 12:35 сәгатендә килеп җитә.

Шулай ук 3, 4, 10 һәм 11 май көннәрендә 22:45 сәгатьтә Казан - Мәскәү юнәлешендәге 205 нче номерлы поезд билгеләнгән. Мәскәүгә поездлар киләсе көнгә 11:45 сәгатьтә килеп җитәчәк.