Иске Татар бистәсендә көлке көне

Чараның махсус кунагы - "Чаян" журналы. Алар бәйрәмгә килүчеләргә мастер-класс, карикатурачыларның эшләреннән төзелгән күргәзмә һәм рәссамнарның шаржларын тәкъдим итәчәк. Тамашага килгән кунакларны бүләкләр, уен-көлке, "Татар утары" аниматорларыннан күңелле бәйрәм тамашасы көтә. "Елмаюың белән бүлеш!" дип аталган бәйрәм чарасы көндезге сәгать ике белән өч аралыгында уздырыла.