Казанлылар балаларына Адриан, Муса, Госман, Гаспар, Евлалия исемнәре биргән

Казанның иң яшь анасына 18 яшь булса, иң өлкәненә - 45. Иң яшь әтигә 19 яшь булса, иң өлкәненә - 55. Туган вакытта минималь һәм максималь бала авырлыгы күрсәткечләре - 1190 һәм 4930 грамм. Атна дәвамында иң еш кушылган исемнәр: Тимур, Алисә, Амелия, Кәрим, Виктория, Милана, Кирилл, Самат, Булат, Әминә. Сирәк кушылган исемнәр: Хәким, Адриан, Муса, Госман, Вера, Зәлидә, Шахинә, Алира, Сара, Гаспар, Евлалия.

Шушы ук чорда Гражданнар хәле актларын теркәү бүлекләрендә 254 пар никахларын рәсмиләштергән. Иң яшь кияү белән кәләшкә - 18 яшь булса, иң өлкәннәренә - 59 яшь, дип хәбәр итә Казанның Гражданнар хәле актларын теркәү идарәсе.