«Кутуй-фест» фестивале «Тапшырылмаган хатлар» фильмы белән тәмамлана

17 октябрьдә Казанның Евгений Боратынский музеенда рус телле язучыларның “Кутуй-фест” II халыкара фестивале старт алган иде. Ул танылган татар язучысы Рөстәм Кутуйның тууына 81 ел тулуга багышланды. Бу хакта Татарстан Мәдәният министрлыгы матбугат хезмәтенә сылтама белән Татар-информ хәбәр итә.

Скопировать ссылку

17 октябрьдә Казанның Евгений Боратынский музеенда рус телле язучыларның “Кутуй-фест” II халыкара фестивале старт алган иде. Ул танылган татар язучысы Рөстәм Кутуйның тууына 81 ел тулуга багышланды. Бу хакта Татарстан Мәдәният министрлыгы матбугат хезмәтенә сылтама белән Татар-информ хәбәр итә.

17 ноябрьдә - фестивальнең ябылу көне. Бу көнне М.Горький музеенда 10.00 сәгатьтә “XX-XXI гасыр әдәбиятында һәм сәнгатендә шәһәр мотивлары, сюжет һәм образлар” II халыкара фәнни-гамәли конференциясе уза.

Фестиваль ябылышында Татарстан Язучылар берлегендә 17.00 сәгатьтә - әдәби-музыкаль композиция, 19.00 сәгатьтә “Тапшырылмаган хатлар” нәфис фильмы тәкъдим ителәчәк.

#“Кутуй-фест” #“Тапшырылмаган хатлар”