Поезд билетлары 40 процент ташлама белән сатыла

Бу хакта Казан мэриясенең рәсми сайты хәбәр итә. Акция ил эчендә хәрәкәт итүче поездларда агымдагы елның 15 мартыннан 26 апреленә кадәр дәвам итәчәк. 34-54 нче номерлы плацкарт вагонның өске урыннарындагы билетларга сату ачылган көннән юлга чыгар вакытка кадәр 40 процентлы ташлама каралган. 2-32 номерлы вагоннарга билетны, поезд юлга чыгарга 7 тәүлек кала алсаң, 20 процент ташлама бирәләр.