Россия ятимнәрен тәрбиягә алучы чит ил кешеләре саны кискен кимегән

Чит ил кешеләре уллыкка алган ятимнәр саны соңгы өч елда өч тапкырга кимегән. 2016 елда чит илгә 430 баланы уллыкка алдылар, дип белдергән Россия Югары суды башлыгы Вячеслав Лебедев федераль суд вәкилләре семинар-киңәшмәсендә . Бу хакта "Татар-информ" "РИА Новости"га сылтама белән хәбәр итә.

"Узган ел Россия судлары уллыкка бирү турында 13,5 мең карар кабул иттеләр, шуларның 430ы - чит ил гражданнарына уллыкка бирү турында", - дип белдергән Лебедев.

Ул хөкемдарларның Россиядәге бала алучыларга өстенлек бирүләрен, әмма чит ил гражданнарына уллыкка бирү бала мәнфәгатьләрен күздә тотып эшләнүен билгеләп үткән.

«Шәһри Казан»га Telegramда язылыгыз