«Шәһри Казан» авыру егеткә ярдәм итте

Газета һәм мәрхәмәтле кешеләр ярдәме белән, аның теләге тормышка ашты: егет ике атна дәвамында Балтач районының Чепья авылындагы «Наз» тернәкләндерү үзәгендә дәваланды. Авылның чиста һавасы, үзәкнең шифасы-дәвасы, хезмәткәрләренең тәрбиясе нәтиҗәсендә, Саматның сәламәтлегендә уңай үзгәрешләр күренде. Авыру егеткә мондый мөмкинлек тудырган өчен, үзәкнең җитәкчесе Тәнзилә ханым Зәкиевага зур рәхмәтләребезне җиткерәбез. Кылган яхшылыкларыгыз үзегезгә артыгы белән әйләнеп кайтсын.