#Кыскача яңалыклар 04 сентября 2017, 07:35

Татарстанда урып-җыю эшенең 72 проценты төгәлләнгән

04 сентября 2017, 07:35

Татарстанның Авыл хуҗалыгы һәм азык-төлек министрлыгы оператив мәгълүматларына караганда, 4 сентябрь көненә республикада 1120 мең гектар мәйданнан бөртекле һәм кузаклы культуралар суктырып алынган.

Скопировать ссылку

Бу пландагы мәйданның 72 процентын тәшкил итә.

Татарстан игенчеләре бу көнгә 3929,1 мең тонна ашлык суктырып алган. Гектар уңышы 35,1 центнер тәшкил итә.

Башкарылган эш күләме буенча беренче урында Лениногорск районы игенчеләре бара. Алар пландагы эшнең 81 процентын төгәлләгән. Икенче урында - Чистай (80 процент), өченчедә Зәй һәм Саба районы игенчеләере (78әр процент). Кама Тамагы (54 процент), Югары Ослан (58 процент) һәм Мамадыш (62 процент) районнары - арттагы өчлектә.

Гектар уңышы буенча лидер - Зәй районы игенчеләре. Биредә һәр гектардан уртача 48,2 центнер ашлык суктырып алына.