Йортларны төрле төскә буяу рөхсәт ителми

Шәһәр башлыгы Ирек Ялалов бина фасадларындагы кондиционерларга каршы чыккан, шулай ук йортларның төсе буенча да чикләүләр кертергә кирәк, дигән. Хәзер Уфада йортларны шоколад, куе чия һәм терракот (янган балчыкны хәтерләткән) төсләргә генә буярга рөхсәт ителә. «Нәрсә телим – шуны эшлим дисәң, далада йортлар салырга кирәк алайса. Бернинди сылтаулар булырга тиеш түгел. Блат, шалтыратулар да ярдәм итмәячәк. Архитектура өлкәсендә тимер кул кирәк», – дигән шәһәр башлыгы.