Шәһри Казан

100 яшен тутырган Сабира әби: «Озын гомернең сере хезмәт белән яшәүдә»

«Озын гомернең сере хезмәт белән яшәүдә», - ди шушы көннәрдә 100 яшьлек юбилеен билгеләп үткән Сабира әби Харисова. Чыннан да, аның бер генә көне дә эшсез үтмәгән - урманын да кискән, сыерын да сауган, колхоздагы бер эштән дә читтә калмаган, дип яза "Якты юл".

Реклама


Сабира әби - Чыршылы авылы кызы. Сугышка кадәр Мусабай Завод авылының Нургали исемле егетенә кияүгә чыккан. Ирен фронтка озатканда ике яшьлек улы Равил белән калган. Тылдагы хатын-кызларның барысы кебек үк, Сабира да авылдагы иң авыр эшләрне башкарган. Бәхетенә, ире сугыштан исән-сау әйләнеп кайткан. 1948 елда аларның кызлары Флера, 1952дә уллары Хәниф дөньяга килгән. Ләкин сугыш яралары Нургалигә озак яшәргә бирмәгән. Аның үлеменнән соң, Сабира, балаларын алып, туган авылы тирәсенә - «Татарстан» совхозы поселогына әйләнеп кайткан. Лаеклы ялга чыкканчы совхозда эшләгән.

Бүгенге көндә Сабира әби Яр Чаллыда улы Хәниф һәм килене Әлфия тәрбиясендә яши. «Әнине үзебезгә алып килгәнгә инде 30 ел, - дип сөйли Әлфия ханым. - Аллага шөкер, бер гасыр гомер яшәсә дә, әле үз-үзен тота, тотынып булса да, фатир эчендә үзе йөри», - ди. 99 яшенә кадәр Сабира әби бер уразаны да калдырмаган, быел гына, хәтере бераз буталу сәбәпле, аны туктатырга туры килгән. Намазларны хәзер дә укый, бөтен догаларны белә икән.

Сабира Харис кызын олуг юбилее белән котларга район хакимияте башлыгы урынбасары Рөстәм Закиров, ветераннар һәм инвалидлар советы рәисе Галимҗан Зарипов, үзе гомер иткән Кнәз авыл җирлеге башлыгы Тамара Белова килгәннәр иде. Алар юбилярга Россия, Татарстан Президентларының тәбрикләү хатларын, хакимият, җирлек исеменнән бүләкләр тапшырдылар, авыр еллардагы хезмәте өчен рәхмәт белдерделәр, тыныч һәм имин картлык теләделәр.

Ул көнне фатир эче котлауларга күмелде. Балалары, оныклары да яраткан әбиләрен тәбрикләргә бер-бер артлы килеп кенә торды. Аллага шөкер, бүген әбинең өч баласы да исән-сау. Сабира Харис кызының җиде оныгы, 9 оныкчыгы һәм оныкчыкларының 3 баласы бар. Алар бөтен Татарстанга гына түгел, дөньяга таралган. Яшь ярымлык кечкенә Али Африкада яши икән. Күренеп тора, карт әбиләрен барысы да хөрмәт итәләр, аларны үзе дә танып, исемләп эндәшә.

Сабира әбине котларга, күпьеллык гадәтләренә тугры калып, кече улы Хәнифнең сыйныфташлары Раиф Харисов һәм Вахит Насыйбуллин да килгән иде. «Туганнан бирле бергә инде без. Бер парта артында утырып, бер икмәкне өчкә бүлеп, бик тату үстек. Әлбәттә, мондый татулыкта Сабира апаның да өлеше, аның тәрбиясе бик зур. Кызганычка, үз әниләребезне күптән җирләдек. Хәниф - бу яктан арада иң бәхетлебез», - диләр инде үзләренең дә чәчләренә күптән чал кергән, күптән бабайлар булган 65 яшьлек ир-атлар. Сабира әби аларның икесен дә танып, котлау сүзләрен бик игътибар белән тыңлады, киләчәктә дә бер-берегезне ташламагыз дип, изге киңәшләрен бирде.

Үзен зурлап килгән һәркемгә рәхмәтен әйтте Сабира әби. Бәхетле, сәламәт булып, бер-берегезнең кадерен белеп, озын гомер итегез, дип теләде.


Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    319
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    450
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    816
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    11
    0
    0