Шәһри Казан

181нче мәктәп укучыларының әти-әниләре яңадан беренче сыйныфта укырга тели

Бүген бәйрәмнәргә бай көн булды. Иртән Гает намазы белән башланса, Корбан бәйрәменнән соң, укытучылар, укучылар изге сәгатьтә мәктәпләргә аяк атлады. Бүген 1 сентябрь - белем көне дә. Быел Республика мәктәпләренә 402 мең укучы бара, аларның 48 меңе - беренче сыйныф укучылары. Шул исәптән, 120 мең укучы Казан мәктәпләре бусагасыннан атлады,...


Республикада бүген 4 яңа мәктәп ишекләрен ачты: Чаллыда, Биектау районында һәм икесе Казанда. Чаллы мәктәбе ачылышында Татарстан Президенты Рөстәм Миңнеханов:

Реклама

- Бу - сезнең шәһәрнең перспективалары зур булуы хакында сөйли! Хакимиятнең бурычы - яшәү өчен тиешле шартлар тудыру, балалар бакчалары, мәктәпләр, йортлар төзү. Хәерле юлга!- дип котлау сүзләрен җиткерде.

- Казанның Совет районы Тулпар урамында ачылган 181нче күп профильле мәктәп ачылышында шәһәр мэры Илсур Метшин барлык кунакларны, укучыларны, укытучыларны белем көне белән котлады.

- Бүген истәлекле вакыйга - башкалабызның иң актив үсә торган микрорайоннарының берсендә мәктәп ачылды. Шәһәргә шундый бүләк өлгерткәннәре өчен Президентыбызга, Премьер- министр Алексей Песошинга, төзүчеләргә рәхмәт җиткерәм. Бүген Казанда ике мәктәп сафка басты, тагын өчесе төзелеп килә. Безгә мәктәпләр, балалар бакчалары бик кирәк, - диде Илсур Метшин. Премьер-министр Алексей Песошин исә укучыларыбызның белем дәрәҗәсен искәртеп узды.

- БДИлар буенча югары баллар, олимпиадалардагы уңышлар буенча Мәскәү һәм Санкт-Петербургтан кала өченче урында барабыз. Инфраструктурага зур басым ясала. 2011 елдан алып 2016 елга кадәр республикада 36 яңа мәктәп салынды, 1000 балалар бакчасы төзекләндерелде, - диде Алексей Песошин. 181Нче мәктәп директоры Динә Абдуллинага символик рәвештә белем йорты ачкычы тапшырылганнан соң, җитәкчеләр мәктәп коридорларыннан узды. Белем көне уңаеннан, каеннар аллеясы утыртуда катнашкан беренче сыйныф укучыларының әти-әниләре: "Балаларыбызга көнләшеп тә куябыз. Үзебез дә мондый мәктәптә укыр идек",- диләр.

Теги: 250
Нравится
Поделиться:
Реклама
Комментарии (0)
Осталось символов: