Шәһри Казан

Адел Вафин Арчада агуланган балалар бер атна эчендә тернәкләнер, дип ышандырды

Узган якшәмбедә Арча районының Казанбаш авылы мәктәбендә гадәттән тыш хәл булды – 40ка якын бала берьюлы агуланды. Зыян күргән укучылар барысы да хастаханәгә озатылды.

Татарстанның сәламәтлек саклау министры Адел Вафин әйтүенчә, 30 бала республика клиник йогышлы авырулар хастаханәсендә, тугыз бала Яңа Кенәр хастаханәсендә дәвалана. Ике олы кеше дә бар.
Вакытында күрсәтелгән ярдәм нәтиҗәсен бирде, 22 баланың хәле канәгатьләнерлек, калганнарыныкы уртача дип бәяләнә. 15 сәгать эчендә оператив рәвештә, махсус диагностика ярдәмендә вирусны ачыклый алдык. Авыруны норовирус китереп чыгарган, – ди министр.
Норовирус йогышлы булуы һәм тиз таралуы белән куркыныч. Министр әйтүенчә, алдагы җиде көндә бу балалар белән контактта булган кешеләрне тикшерәчәкләр.

Татарстанның Роспотребнадзор идарәсе хезмәткәрләре әйтүенчә, мәктәптә  санитария, гигиена кагыйдәләре төгәл үтәлмәгәнлеге ачыкланган.

– Мәктәптә пешерүчеләрнең берсе авырып китеп эшкә чыкмагач, аны аш бүлмәсендәге икенче бер эшче алыштырып торган. Аның пешерергә рөхсәте булмаса да, ул ризык әзерләүдә катнашкан. Тикшерү нәтиҗәләре күрсәткәнчә,  аш бүлмәсендә эшләүче ике хезмәткәрдә норовирус барлыгы ачыкланган, – ди Роспотребнадзор идарәсе җитәкчесенең урынбасары Любовь Авдонина.
Казанбаш урта мәктәбендә дүрт көнгә укулар туктатылган. Укучылар язгы каникул көннәре хисабына ял итәчәк. Татарстан Президенты Рөстәм Миңнеханов укучыларның агулану очрагы сәбәпләрен ачыкларга кушкан иде. Тикшерү эшләре дәвам итә. Роспотребнадзорның Татарстан идарәсе әлеге вакыйга белән бәйле материаллар Арча районы судына юлланды, диде. Азык-төлек блогы хезмәткәрләре, мәктәп директорына карата административ хокук бозу турында беркетмә тутырылган. Аларга 70 мең сумка кадәр штраф яный.

Реклама

Адел Вафин исә агуланган балалар бер атна эчендә тернәкләнер дип вәгъдә итте.


Норовирус – ашказаны авырулары китереп чыгара торган микроб. Йогышлы авыруларны дәвалаучы табиблар әйтүенчә, әлеге вирус аеруча көз, кыш айларында активлаша. Вирус юылмаган яшелчә, җиләк -җимеш, ризык аша күчәргә мөмкин, гигиена таләпләрен үтәмәү авыруга сәбәпче булуы бар, шулай ук микроб авыру кеше белән сөйләшкәндә, һава аша да йога.

Авыруның билгеләре: косасы килү, эч китү, хәлсезлек, тән температурасы югары күтәрелү, аппетит булмау, тән сызлау. Вирусны бары махсус анализ ярдәмендә генә ачыклап була. Авырганда күбрәк җылы су эчәргә, косканда дарулар кулланырга киңәш ителә. Балалар өчен табиблар Регидрон порошогын яхшы дип саный. Норовирус вакытында эч китүдән кулланыла торган дарулар ярамый. Авыруны кисәтү өчен сыйфатлы чиста су эчәргә, санитария кагыйдәләрен үтәргә, кулны ешрак юарга, яшелчә-җиләк җимешләрне яхшылап юып ашарга кирәк.

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    533
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    447
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    332
    0
    0
Ночной режим