Шәһри Казан

Алар дөньяны яңадан ачты

Сәетгалиев исемендәге мәдәният йортында физик мөмкинлекләре чикләнгәннәрнең "Кулга кул тотыныйк" дигән иҗади фестивале узды.

Реклама

Ул быел сигезенче мәртәбә оештырылды. Әлеге чарага балалар гына түгел, өлкәннәр дә ел дәвамында әзерләнә. Быелгы фестивалдә 150 кеше катнашты. Алар - Казан, Яшел Үзән, Лаеш, Нурлат, Саба балалар йортларында тәрбияләнүчеләр. Рухи яктан сынмаган, көчле булып кала белгән әлеге кешеләргә карап сокланмый мөмкин түгел.

Тумыштан ишетмәгән, сөйләшә белмәгән балалар катлаулы биюләр башкара. Ике кулының учлары булмаган үсмер рояльдә уйный. Инвалид арбасына утырган килеш шигырь укыйлар, бию көенә бөтереләләр. Аларга карап тамашачының күзләреннән яшь бөртекләре тәгәри. Әнисе белән бергә чыгыш ясаган нәни кыз Настя Гребневага җырчы Салават Фәтхетдинов үзеннән бүләк тапшырды. Ә инде залда аларның кул эшләреннән күргәзмәне күреп хәйран каласың. Анда сатылган әйберләрдән җыелган акча Данил Лапшев дигән малайны дәвалауга тотылачак.

Җырчы Илшат Вәлиев та әлеге чарада чыгыш ясарга килгән. "Мөмкинлек булганда мондый чараларда катнашырга тырышам. Аларның күңелләренә аз гына җылылык бирә алсам да шат булыр идем", - ди ул.

Ә инде шушы мәдәният йорты режиссеры Рафис Фазылҗанов алты ел буе оештыру эшләрендә башлап йөри.
Концертны Дәүләт Советы секретаре Лилия Маврина, Президент ярдәмчесе Ләйлә Фазлыева, юстиция министры Лариса Глухова, Совет районы хакимите башлыгы Рөстәм Гафаров карады.

- Һәр ел сез бу фестиваль белән безнең өчен дөньяны яңадан ачасыз. Тамаша залында утырганда сез тормышыбызның нинди гүзәл һәм гаҗәп икәнлеген , никадәр ихтыяр көче һәм талант булырга мөмкинлеген аңларга мәҗбүр итәсез" - диде район җитәкчесе.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 13 января 2018 в 10:30
    Кайтарыйк Будулайны! «Җырлап ачылмаган күңел мәңге ачылачак түгел», – дип җырлыйлар. Җырлап караган бар минем, көтү көткәндә, чыбыркыны микрофон урынына тотып. Көне буе нишләмәк кирәк ул көтүдә, төрлечә маймылланып карыйсың инде. Моң дәрьясына чума гына башлаганда, берәр азгыны уҗымга каера, «Аһ, инәң башмагы, борыл!» – дип, аның артыннан йөгерәсең, микрофон-чыбыркыны шартлатып. Ә кайберәүләр борылып килгәч тә җырлаганнар, ахры. Чыбыркыны чын микрофонга алмаштырып, хәзер әнә сәхнәдә балкыйлар.
    196
    0
    0
  • 13 января 2018 в 09:10
    «Шәһри Казан»ның тугры укучысы Кайсы гына гәҗит 27 ел буе бертуктамый алдыручы тугры укучылары белән мактана ала икән?! Ә менә сезнең «Шәһри Казан» гәҗите шундый укучыларының берсе белән һичшиксез мактана, горурлана ала. Ул – Казан шәһәренең Нагорный бистәсендә яшәүче 85 яшьлек Асия апа Ибраһимова.
    148
    0
    1
  • 13 января 2018 в 10:00
    Шагыйрь җиңүе Декабрь ахырында Казахстанның Төркестан шәһәрендә ХII Халыкара төрки шигърият фестивале үткәрелде. Ике елга бер тапкыр уздырыла торган әлеге фестиваль – төрки дөнья әдәби хәятендәге иң эзлекле, дәвамлы һәм нәтиҗәле чараларның берсе. Төркия Язучылар берлеге тарафыннан оештырыла торган фестиваль тәүге тапкыр 1992 елда Төркиянең Бурса шәһәрендә ачыла һәм Конья шәһәрендә төгәлләнә. 
    119
    0
    0