Шәһри Казан

Балалар клиникасы уникаль аппаратлы булды

Кичә Республика балалар клиник хастаханәсе WorldVita балаларга ярдәм хәйрия фондыннан зур бүләк кабул итеп алды. Бу - ашыгыч рәвештә кан әйләнешен тәэмин итү өчен каралган югары технологияле аппарат. Мондый заманча җиһаз Россиянең нибары биш клиникасында гына бар.

Реклама

Яңа комплекс канны кислород белән тулыландыру өчен билгеләнгән. Бу - башка дәвалану чаралары нәтиҗә бирмәгәндә дә, гомерне коткарып калуга өмет бирә торган иң заманча технология. Әлеге ысул һава җитмәүнең авыр очракларында бик мөһим.

- Моңа кадәр андый мөмкинлегебез юк иде, әлеге ысул безгә хәлләре бик авыр булган балаларның да гомерен саклап калырга ярдәм итәчәк. Бу - ел саен 12-15 очрак дигән сүз. Әлеге җиһаз безгә балаларны теләсә нинди хәлдә дә күчереп йөртү мөмкинлеген бирәчәк, - диде хастаханәнең баш табибы Рафаэль Шәвәлиев.

Әлеге заманча җиһаз ярдәмендә, һава җитмәүнең авыр формалары белән интегүче авырулар өчен, эчке органнарга зыян салмыйча гына, берничә атна дәвамында газ алмашы тәэмин ителә. Мондый аппаратта югары квалификацияле, профессионал теоретик һәм практик яктан махсус әзерлеге булган табиблар эшләячәк.

Искәртеп узарга кирәк, WorldVita россиянең иң эре хәйрия фондларының берсе булып санала. Ул Россия, Германия, Израиль, Англия, АКШ һәм башка илләр белән хезмәттәшлек итә.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    348
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    723
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    360
    2
    2