Шәһри Казан

"Барс канатлары" Россия чемпионатына әзерләнә

18-21 февраль көннәрендә Казанда беренче тапкыр инвалид коляскасында баскетбол буенча Россия чемпионаты узачак. Ярышлар «УНИКС»ның Васильево бистәсендәге кунакханә-спорт комплексы базасында була.

Реклама

Ил чемпионы исеме өчен көрәшергә Мәскәү, Санкт-Петербург, Төмән, Ульяновск, Ижау, Чаллы шәһәрләреннән 120гә якын спортчы киләчәк.

Казанның «Барс канатлары» да Яңа ел бәйрәмнәреннән соң ярышларга ныклап әзерләнә башлаган. Физик мөмкинлекләре чикле булуга карамастан, атнасына биш тапкыр шөгыльләнергә вакыт таба алар. Соңгы өч елда «Барс канатлары» ил буенча икенче урында бара. Быелгы максатлары - беренчелеккә чыгу.

- Турнирга җитди әзерләнәбез, җәрәхәтләр юк. Максатыбыз бер генә - I урын. Төп көндәшебез Санкт-Петербург шәһәренең «БасКИ» командасы. Без алар белән еш бәрелешәбез, ләкин әлегә җиңгән юк. Егетләр тырыша, әзерлек дәрәҗәсен уен күрсәтер, - ди команданың тренеры Василий Кочетков.
Җитди ярыш алдыннан «барс»лыларның капитаны Андрей Чугунов та көндәшләренең көчләрен югары бәяли.

- Без Татарстан буенча гына җыелган команда, ә «БасКИ»ларны Россия җыелмасы дип әйтсәк тә була. Анда бөтен ил буенча иң көчле спортчылар тупланган. Тагын шунысы бар, безгә озын буйлы уенчылар җитми. Алардан уенга өч-дүрт озын буйлы спортчы чыкса, бездән андыйлар бер-ике генә. Җиңүгә шул комачаулый да инде. Безгә җан атып торыгыз, туган як диварлары ярдәм итәр дип уйлыйм, - диде Андрей Чугунов.

Спортчылар һәрберсе үзенең үзенчәлегенә карап көйләнгән Германия һәм Бөекбританиядән кайтарылган махсус коляскаларда шөгыльләнә. Алар гади инвалид коляскасыннан шактый аерыла: ул титан һәм алюминий эретмәләреннән ясалган, тәгәрмәчләре янтаеп тора, авырлыгы да нибары 9-11 килограмм гына.

Ярышлар көн саен иртәнге 8.00дән кичке 20.00гә кадәр дәвам итә. Чемпионат барышын теләгән һәркем күзәтә алачак.
«Барс канатлары» командасы 2009 елда ул вакыттагы Татарстан Президенты Минтимер Шәймиев ярдәме белән оешкан.

Нравится
Поделиться:
Реклама
Комментарии (0)
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 16 декабря 2017 в 07:33
    Ял көннәрендә көчле буран көтелә
    Бүген, 16 декабрьдә Татарстанда аязучан болытлы һава, урын белән кар, буран көтелә. Көньяктан искән җилнең тизлеге урыны белән секундына 18 метрга кадәр җитәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе матбугат хезмәте.
    3
    0
    0
  • 9 декабря 2017 в 09:15
    Ренат Ибраһимов: «Дин юлына баскач, бөтен дөньям яхшы якка үзгәрде» Күптән түгел Россиянең һәм Татарстанның халык артисты Ренат Ибраһимов үзенең 70 яшьлек юбилеен билгеләп узды. Шул уңайдан, баритон тавышлы җырчы күптән түгел генә туган шәһәрендә кунак булып китте. Әңгәмә вакытында сигез бала атасы үзенең намазга басуы, иҗаты һәм «Пусть говорят» тапшыруында катнашуы хакында сөйләде.
    314
    0
    0
  • 9 декабря 2017 в 15:11
    Әнкәйләр догасыннан ташламасын Җәннәт – әниләрнең табан астында, диләр. Әниләрдән дә кадерлерәк, игелеклерәк кеше юктыр. Намаз укыган ата-ананың баласы, елаганда да, мине тәрбияләгән әти-әнине җәннәтле итсәң иде дип тели, ди. Әни кешенең тугыз ай буе карынында йөрткән сабыен тулгак ачысын татып дөньяга тудыруы, аннары баласы өчен борчылып, янып-көеп яшәве турында сөйләп тормыйм. Әниләргә шагыйрьләр, язучылар дан җырлый.
    218
    0
    2
  • 9 декабря 2017 в 10:36
    Туган җиргә мәхәббәт кечкенәдән башлана Казанда «Иркенлек» («Простор») дигән туристлык һәм туган якны өйрәнү үзәге эшли, анда чаралар еш үткәрелеп тора. Балалар өчен иҗади түгәрәкләр оештырыла. Әлеге дәресләр, күнекмәләр балаларга булачак һөнәрен сайларга ярдәм итә, туган якны тирәнтен өйрәнүдә булыша.
    130
    0
    1