Шәһри Казан

Баш табиб халык сорауларына җавап бирә

Сәламәтлек өлкәсе һәр кешене дә кызыксындыра, шуңа да халыктан медицинага кагылышлы сораулар еш килә. Республика клиник хастаханәсенең баш табибы Рафаэль Шәвәлиев халыкны кызыксындырган сорауларга җавап бирәчәк.

Ике көн дәвамында «Татар-информ» агентлыгы билгеле бер сәгатьләрдә телефон һәм ватсап аша укучылардан сораулар җыйды. Әлеге акция кысаларында 30дан артык сорау килгән. Халыкның күбесен тар белгечләрдә дәвалану, операциягә язылу, район сырхауханәләреннән Республика клиник хастаханәсенә юллама алу проблемалары борчый. Җаваплар бер айдан соң «Атна вакыйгалары» газетасында һәм «Татар-информ» мәгълүмат агентлыгы сайтында басылып чыгачак.

Реклама

Рафаэль Шәвәлиев, республика клиник хастаханәсенең баш табибы:
– Мондый проектлар, халык белән элемтә пациентларның мәнфәгатьләрен искә алып, эшебезне дөрес юнәлештә алып барырга ярдәм итә. Республика клиник хастаханәсе – Татарстан районы халкына югары технологияле, махсуслашкан медицина ярдәме күрсәтүгә юнәлтелгән күп профильле хастаханә. Без һәр кеше тиешле, сыйфатлы медицина ярдәме алсын өчен тырышабыз.

Нравится
Поделиться:
Реклама
Комментарии (0)
Осталось символов: