Шәһри Казан

Сабан туен үткәрмичә ярамый

Июль - Сабан туйлары ае. Авылларда шау- гөр килеп бәйрәмгә әзерләнәләр. Бизәлгән атлар, гармун тавышы, чигүле сөлгеләр, җыр бию, уен көлке... Электән килгән гореф-гадәт - Сабан туе алдыннан бирнә җыялалар. Сөрән сугу, сөлге җыю, бирнә әзерләү, әрәпә - төрле якларда төрлечә аталса да, асылы бер.

Бәйрәмне бу атна башында Театрлар Сабан туе башлап җибәрде. Унбер дәүләт театры артистлары җыйналып, Саба районының Лесхоз авылында бәйрәм итте. Сабан туеның абсолют батыры булып "Әкият" Татар дәүләт курчак театры артисты Юрий Чуктиев калды. Аңа Президент бүләге - машина һәм тәкә бирелде.
Казанда милли бәйрәм 15 июльгә билгеләнгән. Ә авылларда, районнарда ул бу атнада - 1, 2 июль көннәрендә гөрләячәк. 1 июль көнне кич белән исә республика халкын Саба районы Миңгәр авылы кунакка чакыра. Бәйрәм сәгать 19.00дә башланачак. Гадәттәгечә, Миңгәр Сабан туе экстрим ярышлар, әкияти салютлар, концерт-тамашалары белән кунакларны шаккатырырга җыена. Чараны Татарстанның атказанган артистлары Фәннүр Хәсәнов, Азат Зарипов һәм башка таланты актерлар алып барачак. Сабан туенда милли уеннар белән бергә гладиаторлар ярышы, квадроциклларда, көймәләрдә узышу, ялан кул балык тоту һәм башка үзенчәлекле бәйгеләрдә көч сынашып булачак. Балалар өчен аерым мәйданчык эшләр дип көтелә. Спорт сөючеләр өчен шулай ук махсус ярышлар каралган. Үзәк мәйданда "Миңгәр" дип исемләнгән документаль фильм да тәкъдим итәчәкләр. Тамашада Татарстанның һәм Башкорстанның халык артистлары белән бергә яшь талантлар да чыгыш ясаячак. Абхазия, Бразилиядән килгән бию төркеме чыгышлары, Дагыстаннан канатта йөрүчеләрдән шоу - боларның барысын да Миңгәр Сабан туенда күреп булачак. Бәйрәмгә чит илдән, башка республикалардан да кунаклар килер дип көтелә.
Ә сездә Сабан туйлары ничек уза?
Марат Заһидуллин, Чистай районы Каргалы авылы башлыгы:
- Без 8 июльдә авыл көнен уздырачакбыз. 1 июльдә Чистайда район Сабан туе уза. Икенче көнгә шәһәрдән кайткан халык ял итә алсын өчен, бәйрәмне киләсе атнага калдырдык, Преиздент указына каршы килмәс өчен, исемен алыштырдык. Авыл көне тулысынча Сабан туе рухында узачак, шул ук милли уеннар, гореф-гадәтләр сакланыр дип уйлыйбыз. Былтыр безнең районда бары Чистайда һәм Каргалы авылында гына Сабан туйлары узды. Быел башка авыллар да уздырырга җыена. Шуңа да бездә кеше азрак булыр дип уйлыйбыз. Сабан туе тулысынча иганәчеләр ярдәме белән оештырыла. Авылыбызда ике мең кеше исәпләнә. Ярдәм кулы сузучыларга, фермерларга, шәхси эшмәкәрләргә рәхмәтлебез.
Илсур Кәримуллин, Кама Тамагы районы Кариле авылы мәдәният йорты җитәкчесе:
- Көн саен район үзәгенә репетицияләргә барабыз. Кама Тамагы районы Сабан туенда быел һәр авыл китапханәсе, мәдәният йорты хезмәткәре җыештыручысыннан алып, җитәкчесенә кадәр чыгышта катнаша. Биибез, җырлыйбыз. Элек колхозлар чорында Кариле җирлегенә кергән дүрт авылны берләштергән Сабан туе гел бездә уза иде. Былтыр да оештырдык милли бәйрәмне. Быел 22 июльдә узачак авыл көне Сабан туен алыштырыр, бәлки. Ничек кенә булмасын, Сабан туе - ул татарны таныткан, дусларны, туганнары бергә җыя торган матур бәйрәм. Аны да уздырмасак, милләтебез беткән дигән сүз. Сабан туен үткәрмичә ярамый.

Реклама
Теги: 250
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    189
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    598
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    529
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    364
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    197
    0
    0
Ночной режим