Шәһри Казан

«Бергә булганда гына көчле без»

"Татар-информ" мәгълүмат агентлыгында төрле конфессия вәкилләре катнашында узган Мәскәү-Симферополь-Казан видеокүперендә шундый фикер яңгырады. Әлеге чара 1 февральдә башланып китәчәк Бөтендөнья конфессияара дустанә багланышлар атналыгына багышланган иде.

Мәскәү мөселманнарының диния нәзарәте рәисе Илдар Галәветдинов  фикеренчә, дөньяда тынычлык, милләтләр арасында үзара хөрмәт, дуслык булсын өчен төрле дини оешмаларга бергә хезмәттәшлек итәргә, уртак проектлар эшләргә кирәк.

– Кызганыч, Мәскәүдә руханилар арасында мөнәсәбәтләрне тыгыз дип әйтеп булмый. Ун ел элек үзара очрашып, фикер алыша идек, диалог бар иде, бүгенге көндә һәр дини оешма үз эченә бикләнгән. Үзебез тарафыннан уздырылган чараларга башка конфессия руханиларын чакырабыз, әмма аларның барысы да килми. Бер-беребезгә игътибарлырак булсак иде. Тиздән православие руханилары белән берлектә уртак проектка алынмакчы булабыз. Ул хәйрия проекты булачак. Сирия, аерым алганда Ливан белән Дамаскка гуманитар ярдәм күрсәтергә, шул максат белән юлга чыгарга җыенабыз, – диде ул.
Кырым спикерлары төрле конфессия оешмалары арасында үзара аңлашу барлыгын ассызыклап үттеләр. Симферополь һәм Кырым епархиясе секретаре протоиерей Александр Якушечкин әйтүенчә, Кырымда төрле дин вәкилләре гомер-гомергә күрше булып яшәгән, үзара дуслык хәзер дә саклана.

– Әлеге уңайдан 1992 елдан бирле эшләп килә торган конфессияара совет эшчәнлеген билгеләп үтәсе килә. Без һәрдаим очрашып сөйләшәбез. Аның утырышларында Кырым башлыгы Сергей Аксенов та катнаша. Кырымда барысы сигез конфессия вәкиле яши. Без, әлбәттә, төрле, тик без бер-беребезне аера торган әйберне эзләмибез, киресенчә, берләштерә торган нәрсәләргә игътибар итәбез. Безнең арада уртаклык та бар, барыбыз да Аллаһы Тәгаләгә гыйбадәт кылабыз. Бергәләшеп социаль проектлар өстендә эшлибез. Яшүсмерләр өчен урам акцияләре, хәйрия концертлары оештырабыз, – дип сөйләде Александр Якушечкин.

Кырым мөфтие урынбасары Айдер Исмәгыйлев та, Александр Якушечкинның сүзләрен җөпләп, Коръәндә, бер-берегезгә яхшы эшләрдә булышыгыз, ә гөнаһта һәм дошманлыкта ярдәм итмәгез диелә, без шушы принцип белән яшәргә тиеш, диде.

Реклама

Рус Православ Староверлар чиркәвенең Казан-Нократ епархиясе кафедраль чиркәве идарәчесе урынбасары Василий Кириллов үзенең чыгышында Татарстанда һәр конфессиягә үсәр өчен мөмкинлекләр тудырылуын билгеләп үтте.

– Соңгы елларда гыйбадәт йортларын торгыза башладык. Яңа чиркәүләр төзүдә һәм искеләрен төзекләндерүдә Татарстан хөкүмәте актив ярдәм күрсәтә. Казан Изге Ана иконасы чиркәве яңадан торгызыла. Рус Православ Староверлар чиркәвенең Казан-Нократ епархиясенә кафедраль соборны кайтарып бирделәр. Анда староверлар музее ачылачак. Безгә алга таба да аңлашып эшләргә, яхшы күршеләр булып яшәргә кирәк, – дип сүзен тәмамлады ул.

Татарстан мөфтиенең шәригать мәсьәләләре буенча киңәшчесе Булат хәзрәт Мөбәрәков әйтүенчә, без бергә, әмма буталышып яшәмәскә тиеш.
– Әлеге сүзләрне мин патриарх Кирилл авызыннан ишеттем. Бик дөрес әйтелгән сүзләр. Аны моннан да дөресрәк итеп әйтеп булмыйдыр да.

Татарстан мөселманнары диния нәзарәте православие һәм яһүди руханилары белән бергә хезмәттәшлек итүне максат итеп куя. Төрле дин вәкилләре арасында спорт чараларын еш оештыра, чөнки ул безне берләштерә. 5 февральдә дә волейбол турниры үтәчәк. Милләтара, динара мөнәсәбәтләргә игътибар шушы атналыкта гына түгел, көн дә булырга тиеш, – дип сөйләде Булат хәзрәт.

 

Нравится
Поделиться:
Реклама
Комментарии (1)
  • noname
    1 февраля 2018 в 23:08
    алар бит бер рухани отделдан тугелме?
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    4
    0
    0
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    438
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    312
    2
    2