Шәһри Казан

Беркетмә ашаучы шофер

ЮХИДИ хезмәткәрләре юл халәкәте булган урынга килгәч, «Шевроле» машинасының йөртүчесе аек түгел икәнен абайлап алганнар, дип хәбәр итә Россия Эчке эшләр министрлыгының Казан буенча ЮХИД Идарәсе матбугат үзәге.

Исерек йөртүче медицина тикшерү узудан баш тарткан, мондый очракта кагыйдә буенча ЮХИДИ хезмәткәрләре бу хакта беркетмә тутырырга тиешләр. «Медицина тикшерүе узудан баш тартты» дип язылган кәгазь нигезендә исә машина йөртү таныклыгыннан мәхрүм калырга, зур күләмдә штраф салынырга мөмкин. Кыскасы, эчкән шофер әлеге кәгазьне югалтыр өчен аны ашарга булган. Инспекторга ташланып, аннан кәгазьләрне тартып алып, беркетмәне авызына капкан. ЮХИДИ хезмәткәрләре документларны саклап кала алганнар. Хәзер «беркетмә ашаучы» шоферның эше судта хәл ителә.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: