Шәһри Казан

Чыңгыз Айтматовның улы Татарстанга сәяхәт кылды

Чыңгыз Айтматовның улы Кукмарада әтисе исемен йөртүче мәктәптә булды. Бу хакта Бөтендөнья татар конгрессы хәбәр итә.

5 февраль көнне Татарстанга язучы Чыңгыз Айтматов тууының 90 еллыгына багышлап кино төшерү өчен Кыргызстан делегациясе килде. Әлеге делегация составында язучының улы Әскар Айтматов та бар.

Кичә, 6 февраль көнне Кыргызстаннан килүчеләр Кукмара шәһәрендә кунак булдылар. Делегация Кукмара районының Туган төбәкне өйрәнү музеенда, Ч.Т.Айтматов исемендәге №1 гимназиядә, Мәчкәрә авылында яңа фильм өчен материаллар төшерделәр.

Туган төбәкне өйрәнү музее хезмәткәрләре Әскар Айтматовны биредә төзелгән нәсел шәҗәрәсе белән таныштырдылар. Шулай ук язучының улы биредәге кунаклар китабына үз теләкләрен дә язып калдырды. Соңрак Кыргызстан делегациясе Ч. Айтматов исемендәге №1 гимназиягә юл тотты. Монда шулай ук кунакларны мәктәптәге күргәзмә белән таныштырдылар, мәдәни программа тәкъдим иттеләр.

Соңрак делегация Кукмара муниципаль районы башлыгы Сергей Дмитриев белән дә очраштылар.

"Чыңгыз Айтматовның нәселе Кукмара төбәге белән бәйле булу безнең өчен зур горурлык. Монда бер мәктәп Чыңгыз Айтматов исемен йөртә. Быел гимназия территориясенә әлеге шәхес истәлегенә бюст куярга планлаштырабыз. Декабрь аенда язучының туксан яше уңаеннан зур чара да үткәреләчәк", — диде район башлыгы.

Реклама

Бүген Кыргызстан кунаклары Татарстан Язучылар берлегендә татар язучылары — Разил Вәлиев, Рабит Батулла, Хатыйп Миңнеголов, Ренат Харис, Равил Файзуллин, Зиннур Мансуров, Вахит Имамов, Роберт Миңнуллин, Данил Салихов, Газинур Морат, Эльмира Шәрифуллина белән очрашкан.

Татар язучылары Чыңгыз Айтматов турында истәлекләре белән уртаклашты. Очрашуда шагыйрьләр Газинур Морат, Роберт Миңнуллин, Эльмира Шәрифуллина Чыңгыз Айтматов һәм аның әнисе турында шигырьләрен укыды, дип хәбәр иттеләр Татарстан Язучылар берлегеннән.

Татар-информ

 

Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • VI Республика ифтарыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
Соңгы комментарийлар
Интервью
  • 27 май 2018 - 11:42
    Бакча җиләген ничек туендырырга? 1 стакан көлгә 1-2 литр кайнар су салып суытырга. Шуңа 2 гр марганцовка, 2 гр бор кислотасы, 1 аш кашыгы йод өстәп, яфраклар чыланганчы сибәргә.
    48
    0
    1
Ночной режим