Грипп белән авыручылар күп булган айлар аталды

Шул ук вакытта Covid-19ны фаразлап булмый, чөнки ул сезон белән берничек тә бәйле түгел. Бу хакта «Спутник» радиосына биргән интервьюсында медицина фәннәре кандидаты, иммунолог Николай Крючков сөйләгән.

«Грипп эпидемиясе барлыкка килү ихтималы, гадәттә, салкын айлар башлану белән арта. Соңгы еллардагы тәҗрибә күрсәткәнчә, иң куркыныч айлар – декабрь, гыйнвар һәм февраль. Көзге һәм язгы айларда булуы да мөмкин», - ди белгеч.

Аның сүзләренчә, коронавирус очрагында вазгыять тагын да катлаулырак. «Әгәр грипп сезонлы булса, соңгы өч ел эчендә күргәнебезчә, коронавирус авыруларының артуы сезон белән бәйле түгел», – дип китерелә Крючков сүзләре «Спутник» радиосы сайтында.

Крючков әйтүенчә, бу чирләрне профилактикалау өчен прививка ясату кирәк. "Прививканы теләсә кайсы вакытта, хәтта яңа елдан соң да ясарга мөмкин", — дигән эксперт.
Иммунолог эпидемияләр чорында кешеләр күп җыелган урыннарга йөрмәскә чакырды.

Сәламәтлекне ныгыту һәм "кышкы" авырулардан саклану өчен табиб һава торышына туры килердәй итеп киенергә, күбрәк ял итәргә һәм йокы туйганчы йокларга киңәш итә.