Шәһри Казан

Хатын-кызлар атта ярышачак

17 август көнне Казан Халыкара ат спорты комплексында Татарстан эшлекле хатын-кызларының III форумы узачак.

Форумда хатын-кыз депутатлар, төрле фирма башлыклары, иҗтимагый оешма җитәкчеләре һәм башкалар - барлыгы 200дән артык эшлекле хатын-кыз катнашачак.

Реклама

Форумның төп чарасы балалар өчен оештырылган хәйрия концерты булыр, мөгаен. Бәйрәмдә балаларга концерт әзерләүдән тыш, истәлекле бүләкләр, беренче сыйныфка кирәк-яралар тапшырачаклар. Чара кысаларында "Хатын- кыз куллары" дип исемләнгән заманча татар сәнгате күргәзмәсе дә үтәчәк. Биредә чигелгән түбәтәйләр, кулдан тегелгән курчаклар, шамаилләр, башка кул эшләнмәләрен күрергә мөмкин булачак. Көне буе "Хатын-кыз бизнесы» күргәзмәсе эшләячәк. Анда эшлекле хатын-кыз кирәк - яраклары тәкъдим ителәчәк. Форумда хатын-кызлар арасында ат ярышлары да булыр дип көтелә. Чабышкылар "Татарстанның эшлекле хатын-кызлары" кубогына көч сынашачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: