#Кыскача яңалыклар 18 июня 2015, 09:51 Уку өчен 2 минут

Иң зур ифтар мәҗлесе “Казан-Арена”да узачак

18 июня 2015, 09:51

Уку өчен 2 минут

26 июнь көнне Татарстан мөселманнары Диния нәзарәте Россия Мөселман эшкуарлары ассоциациясе, "Казан-Арена" стадионы дирекциясе белән берлектә өченче мәртәбә "Республика ифтары"н уздыра.

Скопировать ссылку

5 мең кешегә исәпләнгән иң зур ифтар мәҗлесе "Казан-Арена" стадионында үткәрелә. Республика ифтарына чакырылганнар арасында Татарстанның дин әһелләре, җәмәгать эшлеклеләре, Россиянең төрле төбәкләреннән килгән кунаклар, физик мөмкинлекләре чикле кешеләр, ятим балалар бар. Ифтарда Татарстан мөфтие Камил хәзрәт Сәмигуллин да катнашыр дип көтелә. Стадионның махсус әзерләнгән урыннарында җәмәгать намазы укылачак, вәгазьләр сөйләнәчәк, дип хәбәр итә Диния нәзарәтенең матбугат хезмәте.

Кызыклы яңалыкларны күзәтеп бару өчен Вконтактега кушылыгыз.