Шәһри Казан

Ираннан фисташка, көнҗет, зәгъфран Татарстанга 40%ка арзан бәядән кертеләчәк

Бу көннәрдә Татарстанга Иран делегациясе эшлекле сәфәр белән килде. Иран Ислам Республикасының Хорасан-Резави провинциясе губернаторы Аши Реза Рашидиян белән Татарстан Президенты Рөстәм Миңнеханов та очрашты.

Реклама

- Сезнең визит безнең илләр арасында Татарстан-Иран багланышларын ныгыту элемтәләрен үстерүгә ярдәм итәр, - дип мөрәҗәгать итте Татарстан Президенты Рөстәм Миңнеханов губернаторга.

- Сезнең эшлекле сәфәр белән Межхедка килүегез, Президент әфәнде, Россия-Иран хезмәттәшлеген үстерүдә мөһим адым булды. Хәзер безнең төбәкләр арасында икътисади элемтәләрдә алга китеш яхшы булыр, дип көтелә, - диде үз чиратында Али Реза Рашидиян.

Соңрак Рөстәм Миңнеханов очрашу нәтиҗәсе итеп, Татарстан-Иран багланышларын үстерү буенча эшче төркем төзеләчәген, шулай ук нефть табу өлкәсендә эшчәнлекнең мөһим булуын җиткерде.

- Билгеле, без туристлык, университетлар, сәламәтлек саклау, IT юнәлешләр өлкәсендә дә хезмәттәшлек итәчәкбез. Бу темаларның һәркайсын җентекләп эшләп бетерәчәкбез, әлеге мәсьәләләр буенча фикер алыштык. Мәсәлән, архив эше буенча, безгә кагылышлы уникаль материаллар бар анда, - дип сөйләде Рөстәм Миңнеханов. - Әлбәттә, нефть продуктлары буенча эшне алга этәрергә кирәк. Үзкыйммәтен һәм башка күрсәткечләрне карыйсы була. Әйе, бездә ресурслар бар, бу мәсьәлә буенча без эшләячәкбез. "Татнефть" компаниясе эшчәнлегенә килгәндә, Иран дәүләт компаниясе белән безнең нефтьчеләрнең Иранда эшләү мөмкинлеге турында башлангыч документ карала, - дип өстәде ул.

Иран делегациясе шулай ук Казан вертолет заводында, Казан (Идел буе) федераль университетында, Иннополиста, Татарстанның сәүдә-сәнәгать паркында булды. Моннан тыш, Казан IT-паркында Татарстан-Иран эшлекле форумы да узды. Бу очрашуларның нәтиҗәсе буларак, ике илнең эшмәкәрләре арасында сөйләшүләр узгач, «Паранд» идарә итү фирмасы рәисе Мөхәммәд Җәвәд Хәдиюн хәзер Ираннан кертелә торган фисташка, көнҗет, зәгъфран (шафран) һәм башка ризыкларны татарстанлылар 40 процентка арзанракка сатып ала алыр дигән ышанычын белдерде.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    354
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    467
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    835
    0
    2