Шәһри Казан

Казан Сабан туена килегез! (ПРОГРАММА, ТРАНСПОРТ ХӘРӘКӘТЕ)

Бүген Казанда - Сабан туе. Милли бәйрәм ике мәйданчыкта үтәчәк. Казанлыларны һәм башкала кунакларын Мирный бистәсе Каенлыгында һәм «Казан» халыкара ат спорты комплексы территориясендә көтеп калалар. Аларның куркынычсызлыгын тәэмин итәр өчен бөтен кирәкле хезмәтләр җәлеп ителә. Бу көнне янгын сүндерү, гадәттән тыш хәлләр, Роспотребнадзор, полиция, медицина хезмәткәрләре кизү торачак.

Мирный бистәсе Каенлыгында бәйрәм чаралары сәгать 10.00дә старт ала. 11.00дә төп мәйданда татар халкы традицияләрен күрсәткән театральләштерелгән тамаша башлана. Аннан мәйданга көрәшчеләр чыга. Бил алышуда республика буенча җыелган батырлар катнаша. Җиңүчеләр алты категория буенча ачыкланачак. Турнирның абсолют батырын тәкә һәм автомобиль көтә. Сабантуй мәйданында гер күтәрү, колгага менү, аркан тартышу, бүрәнәдә йөрү, чүлмәк вату, сулы чиләк күтәреп йөгерү, катыктан тәңкә эзләү ярышлары, капчык киеп узышу, капчык сугышы оештырылачак. Сәхнәдә татар эстрадасы йолдызлары һәм Татарстанның сәнгать осталары концертын карап булачак. Бәйрәмнең кечкенә кунаклары да игътибарсыз калмас. Алар өчен балалар мәйданчыгы оештырыла. Сабыйлар да күп ярышларда катнашып, бүләк ота алачак.

Урман паркы зонасындагы территориядә татар халкының көнкүрешен чагылдырган авыл утарлары корылачак. Андагы күңел ачу чаралары, спорт мәйданчыкларын район­нардан килгән үзешчәннәр оештыра.
17.30да бәйрәм «Казан» халыкара ат спорты комплексы территориясендә дәвам итә. 18.00дә башланачак ат чабышларыннан кала, биредә татар эстрадасы җырчылары катнашында концерт куелачак. Кунаклар өчен махсус фотозона эшләр дип көтелә. Моннан тыш, сәүдә нокталары, җәйге кафе эшләячәк.

Бәйрәмгә ничек барасы?

Бәйрәмгә баручылар өчен аерым транспорт булдыру каралган. Автобуслар «39нчы квартал», «10нчы микро­район», «Җиңү проспекты» метро станциясе», «Филармониянең концертлар залы», «Оренбург тракты урамы», «Глазунов урамы» тукталышларыннан китәчәк. Алар бәйрәм тәмамланганчы йөриячәк. Юл йөрү бәясе шәһәр эчендәге маршрутлардагы кебек булачак.

Реклама


Транспорт хәрәкәте чикләнә

Сабан туе уңаеннан транспорт хәрәкәте һәм шәһәр урамнарындагы машина кую урыннары чикләнәчәк. Бәйрәм чараларын оештыручылар җәмәгать транспортыннан файдаланырга киңәш итә.
Сәгать 06.00дән 17.00гә кадәр Оренбург трактыннан Мирный бистәсе Каенлыгына таба автомобиль юлында бер яклы хәрәкәт оештырыла. Ферма шоссесы буйлап җәяүлеләр өчен юл ачыла. Яңа Дәүләки урамыннан Гареев урамына кадәрге өлештә, шулай ук Ферма шоссесы урамындагы парковкаларда машина кую урыннары чикләнә.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    348
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    729
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    361
    2
    2