Шәһри Казан

Казанда Хан сарае ачыла

23 декабрь көнне сәгать 16.00дә “Казан” халыкара ат-спорт комплексында “Хан сарае” ачыла. Быел да милли рухтагы авылны сурәтләгән мәйданчык республика халкын яңа ел чараларына көтеп кала.

Хан сарае ачылышында тамашачыларны күңелле концерт программасы, Кыш бабай, Кар кызы, төрле уеннар көтә. Елдагыча ачык һавада шугалак эшләячәк. Шулай ук төрле таганнар, чана шуу өчен таулар, батутлар да балалар күңеленә хуш килер, мөгаен. Биредә атта йөрергә, төрле сувенирлар, яңа ел бүләкләре сатып алырга, кайнар коймаклардан авыз итәргә мөмкин булачак.

Реклама

1-8 гыйнвар көннәрендә 19.00 сәгатьтән 21.00 сәгатькә кадәр теләгән кеше Яңа ел дискотекасында, бәйрәм концертында күңел ача ала. Чараларны “Риваят” милли фольклор ансамбле чыгышлары бизәячәк.  
Хан сараеның үзенчәлеге – салкында да катмый торган фонтан. Сарайның символы булып уникаль рәвештә төзелгән чыршы-йорт торачак. Хан сарае 13 гыйнварга кадәр эшләячәк. Бәйрәмгә керү бушлай.

 

Нравится
Поделиться:
Реклама
Комментарии (0)
Осталось символов: