Шәһри Казан

«Казаннан Иссык-Күлгә авиарейслар ачарга кирәк»

Россиягә алты көнлек эшлекле сәфәре кысаларында, Кыргызстан Республикасы Президенты Алмазбәк Атамбаев Казанда да булды. Ул Татарстан Президенты Рөстәм Миңнеханов белән очрашты. Җитәкчеләр ике республика арасындагы уртак хезмәттәшлек турында фикер алышты.

Татарстан белән Кыргызстанны бәйләүче сәбәпләр җитәрлек. Алмазбәк Атамбаевның хатыны Рәисә Атамбаеваның милләте буенча татар булуы - шуларның берсе генә. Татарстан югары уку йортларында Кыргызстаннан 244 студент белем ала. Мәдәният өлкәсендә дә уртак проектлар җитәрлек. Ике республиканы язучы Чыңгыз Айтматов та бәйләп тора. Сүз уңаеннан, киләсе елга язучының тууына 90 ел тулуга багышланган чараларны Татарстанда да, Кыргызстанда да билгеләп үтәчәкләр.
- Чыңгыз Айтматов, әлбәттә, кыргыз халкының мәшһүр улы, әмма анда татар халкының да өлеше бар. Без ел саен уздырыла торган «Айтматов укулары»нда катнашырга сөйләштек, - ди Рөстәм Миңнеханов.
Сәфәр барышында Алмазбәк Атамбаев «Яңарыш» фондының җидееллык эшчәнлеге, тарихи-мәдәни мирасны саклау буенча башкарылган эшләр белән танышты. Кыргызстан өчен дә тарихи-мәдәни һәйкәлләрне саклау - иң мөһим мәсьәләләрнең берсе булып тора икән. Җитәкчеләр Болгар ислам академиясе төзелеше һәм Казан Изге Ана иконасы Соборын торгызу турында да сөйләштеләр. Татарстан Дәүләт Киңәшчесе Минтимер Шәймиев Президентны борынгы Болгар шәһәре һәм Зөя утрау-шәһәрчегенә кунакка чакырды. Алмазбәк Атамбаев исә быел көз көне килергә вәгъдә бирде. Кунак ашы - кара-каршы дигәндәй, Кыргызстан Президенты үз чиратында Татарстан делегациясен үзләрендә узачак халыкара форумда көтеп калуын әйтте.
Туризм өлкәсендә дә уртак проектлар каралды. Киләчәктә Казан - Иссык-Күл - Казан авиарейсын булдыру идеясе дә бар.
- Кыргыз авиакомпаниясе Бишкәк - Казан - Бишкәк рейсын башлап җибәрде. Казан авиакомпаниясенең дә Казан - Иссык-Күл - Казан рейсын булдыруы кирәк. Иссык-Күлдә халыкара аэропорт бар. Анда Гарәп илләренә яки Төркиягә караганда күпкә иминрәк. Бер менталитет, бер рус теле, ул да бездә рәсми тел булып тора. Авиарейсны бу сезонда ук, җәйге чорда булса да, башлап җибәрергә кирәк, - диде Алмазбәк Атамбаев.
Иссык-Күл - Кыргызстанда иң зур күл. Ул мәйданы буенча дөньяның иң зур 25 күле исемлегенә кергән. Баксаң, Иссык-Күл тирәсендә коттеджлар салу популярлаша бара икән. «Йорт алырга теләгән татарстанлылар ашыксыннар», - дип тә уенын-чынын бергә кушып өстәде Кыргызстан Президенты.
Күпләрне борчыган мәсьәлә - Кыргызстанда хезмәт итүче егетләрне Сүриягә җибәрәләр икән, дигән имеш-мимешләргә дә Алмазбәк Атамбаев нокта куйды.
- Утырышларда, Владимир Путин белән кичке аш вакытында да әлеге мәсьәләнең күтәрелгәне булмады. Бу хакта сүз чыккан очракта да, беренчедән, коллектив куркынычсызлык турында килешү оешмасы (ОДКБ) вәкилләренең бердәм карары, икенчедән, Берләшкән Милләтләр оешмасы резолюциясе кирәк. Өстәвенә, барысын да парламент хәл итәчәк, - диде Президент.
Очрашуда машина төзелеше, авиатөзелеш, химия һәм ягулык-энергетика өлкәсендәге уртак хезмәттәшлек каралды. «Кызганычка, хәзер без булган потенциалны тулысынча кулланмыйбыз. Безгә икътисади өлкәдә сәүдә хезмәттәшлеген көчәйтергә кирәк», - дип билгеләп үтте Рөстәм Миңнеханов.
Кыргызстан белән Татарстан арасында туганнарча җылы мөнәсәбәтләр күптән урнашкан, ә шулай да Кыргызстан Президентының безнең республикага беренче генә сәфәре икән. Хәер, соңгысы булмас кебек.
- Без барлык тармакларда диярлек уртак чаралар турында сөйләштек: икътисад һәм мәдәният, хәтта тарих. Минемчә, бу - нәтиҗәле сәфәр, - дип билгеләп үтте Алмазбәк Атамбаев.
Ике республиканың киләсе очрашуы Бишкәк шәһәрендә булачак. 20-22 июльдә анда «Алтай цивилизациясе һәм алтай телләре гаиләсеннән булган тугандаш халыклар» халыкара форумы узачак.
- Ахыр чиктә, без барыбыз да Алтайдан чыккан. Кыргызстанда үтәчәк бу мөһим чарада, без, әлбәттә, катнашачакбыз, - диде Рөстәм Миңнеханов.

Реклама
Теги: 250
Нравится
Поделиться:
Реклама
Комментарии (0)
  • 20 май 2018 - 10:53
    Төпсез чиләкләр Шәһәрдә яшәгән бала авылга кунакка кайта икән, ул төп йорттагы эреле-ваклы проблемаларны хәл итәргә, анысын-монысын төзәтергә, кыскасы, ул монда нәрсәдер эшләргә тиеш. Шәһәрдә дә кеше кул кушырып утырмый. Эт булып арырга мөмкин. Арыгансың икән – авылга кайтма. Ял итеп, йокыңны туйдырып кайт, чөнки монда синең кайларда нишләп йөрүең беркемгә дә кирәк түгел. Йоклап ята алмыйсың. Язу-сызу белән өстәл башында утыру да – соңгы чиктә генә.
    274
    0
    3
  • 20 май 2018 - 10:43
    «Рәхмәт сиңа, «алтын куллы» әтием!» Мин сезне үземнең алтын куллы әтием – Сәләхов Рамил Җәмигънур улы белән таныштырмакчы булам.
    187
    0
    1
  • 20 май 2018 - 10:10
    86
    0
    0
  • 20 май 2018 - 09:38
    Бабайлар һәм әбиләр, бакчага чыгыгыз! Казанның Авиатөзелеш районындагы «Крылья Советов» паркында 26 майда 12.00-18.00 сәгатьләрдә «Тормыш сөючеләр көне» бәйрәме була.
    88
    0
    0
  • 19 май 2018 - 13:00
    Илсөя Бәдретдинова: «Ул мине хәзер алдына алып сөя» Соңгы арада Илсөя Бәдретдинованы Инстаграм аккаунтына романтик рух керде: ниндидер ир-ат белән төшкән фотолар, һәрчак чәчәк гөлләмәләре... Илсөябез үзе дә чәчәк кебек: көннән-көн матурлана.
    2456
    0
    14
  • 19 май 2018 - 12:40
    Афиша 21-27 май
    229
    0
    0
  • 19 май 2018 - 12:35
    139
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    325
    0
    5
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    243
    0
    0
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    220
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    124
    0
    0
  • 18 май 2018 - 20:01
    Быелгы «Бәллүр каләм» тапшыру тантанасында «Шәһри Казан»ның ике журналисты бүләкләнде Редакциябезнең талантлы һәм тәҗрибәле журналисты Дилбәр Гарифуллина күпьеллык фидакарь хезмәте өчен Дәүләт Советы рәисе Фәрит Мөхәммәтшинның рәхмәт хаты белән бүләкләнде.
    232
    0
    2
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 16 апрель 2018 - 10:23
    Корица белән бал кушылмасы яман шештән саклый Корица белән бал кушылмасы (бер өлеш корицага биш өлеш бал) ашказаны авыруларын җиңә, организмны вируслардан саклый, йөрәкне ныгыта.
    853
    0
    2
  • 16 апрель 2018 - 11:14
    «Нәни кулы белән бармагымны эләктереп алгач, җиңәчәгебезне аңладым» 2016 елда Татарстанда 110 мең бала вакытыннан алда туган. Бүген медицина алга киткән заманда, җитлекмичә дөньяга килгән сабыйларны тәрбияләү мөмкин эш. Республика клиник хастаханәсендә 460 граммлы булып туган баланың да гомерен саклап кала алганнар иде. Мондый үзенчәлекле сабыйларны тәрбияләү турында Республика балалар клиник хастаханәсенең патология белән туган сабыйлар һәм җитлекми туган балалар бүлеге җитәкчесе неонатолог Фатыйма КАЗАКОВА белән сөйләштек.
    695
    0
    1
  • 16 апрель 2018 - 12:09
    Гади ихлас балачак, кайда син? Оныгыма мәктәпкә макулатура алып килергә кушканнар. Өй бетереп, кирәкмәгән кәгазь эзлибез, ди кызым. Хәзер кытлык заманы түгел, бөтен әйберне дә табып була, мин әйтәм.
    481
    0
    3
Ночной режим