Шәһри Казан

Кертемчеләргә яңа төр ярдәм әзерләнә

3 март көнне Үзәк банк "Татфондбанк", "Интехбанк", "Анкорбанк"ларның лицензияләрен алган иде. Шуннан бирле халыкның сораулары тынмый. «Татар информ" да узган матбугат конференциясендә әлеге банк кертемчеләренә алга таба нишләргә кирәклеге турында сөйләштеләр.

Татарстанның Икътисад министры Артем Здунов фикеренчә, хәзер төп бурыч кертемнәре иминиятләштерелмәгән физик затларга, Татарстан эшмәкәрләренә банк кредиторлары реестрына эләгү. Бу банкта зыян күрүчеләр компенсация ала алсын өчен кирәк.

"Татарстанның эшмәкәрлеккә ярдәм фонды" оешмасы генераль директоры Андрей Афонин моның өчен нишләргә кирәклеген дә аңлатты. "Татфондбанк», «Интехбанк» яки Иминиятләштерелгән кертемнәр агентлыгы сайтларына кереп, кредиторлар реестрына керү өчен языла торган гариза бланкын алырга һәм аны тутырырга кирәк. Бу гаризалар юридик, физик затлар, шәхси эшмәкәрләр өчен аерым. Гаризаны банкка тапшырганнан соң, аның язмышын гел сорашып торсаң яхшы. «Гадәттә гариза 30 көн эчендә карала. Реестрга кертелү хакында белешмә бирелгәч кенә тынычланырга була», - ди Андрей Афонин.

Банктан зыян күрүчеләр белән белгечләр көн саен Татарстанның сәүдә-сәнәгать палатасында очраша. Юстиция министры Лариса Глухова аңлатканча, биредә хезмәтләр бушлай башкарыла, аеруча «ТФБ Финанс» мәсьәләсе буенча ярдәм сорап килүчеләр күп икән. Инициатив төркем, «ТФБ Финанс» клиентларының хокукларын «Татфондбанк» кертемчеләренеке белән тизгезләү максатыннан 13 дәгъва гаризасы төзелгән. Һәркем суд аша үз хокукын үзе кире кайтарырга тиеш булачак. Татарстан прокуратурасы физик яктан мөмкинлекләре чикле ике клиентның эшен Вахитов районы судына юллаган. Эшләр 15 март көнне ябык режимда каралачак.
Татарстан хөкүмәте банк кертемчеләренә ничек тә ярдәм итү юлларын эзли. Шул рәвешле "Татфондбанк» клиентлары - юридик затлар өчен - «Ташламалы лизинг» программасы гамәлгә кергән. Әлеге программаның төп максаты кече һәм урта эшмәкәрлеккә булышу. Программа буенча теләсә нинди мөлкәт өчен 8 процент еллык ставка белән биш елга кадәр финанс арендасы каралган.

Банклар белән бәйле вәзгыятьтә алга таба "Нота-Банк" мисалындагы чараны куллану фикере дә бар. Кертемчеләрнең инициатив төркеме Татарстан Президентына әлеге идея белән мөрәҗәгать иткән. Рөстәм Миңнеханов исеменнән Үзәк Банк адресына әлеге схеманы куллану мөмкинлеге турында мөрәҗәгать тә әзерләнгән. Схема зыян күргән банк кертемчеләрен үз канаты астына алырга әзер булган яңа банк табудан гыйбарәт. Шуңа риза булган банк физик затларның бер өлешен үзенә алачак. Алмашка ярдәм итәргә алынган банкка лицензиясе алынган оешмаларның билгеле бер активлары бирелә. "Әмма, күп нәрсә конкурс массасына, ягъни лицензиясе алынган банкларның мөлкәтенә бәйле", - ди Артем Здунов. Акчалар беренче чиратта физик затларга, акчалары 1,4 миллион сумнан арткан кешеләргә биреләчәк. Икенче чиратта хезмәт хакы алмаган банк хезмәткәрләре, интеллектуаль милке өчен түләүләре булганнар ала. Калганнар өченче чиратка эләгә.

Шәһри Казанга Telegramда язылыгыз

Реклама
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    190
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    599
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    530
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    365
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    198
    0
    0
Ночной режим