Шәһри Казан

Кичә Уфаны су баскан: анда ике айлык норма күләмендә яңгыр яуган (ФОТОЛАР)

Кичә, 4 сентябрьдә, Уфада 2 сәгатьтә ике айлык норма яңгыр яуган.

Якынча мәгълүматларга караганда, 115 мм явым-төшем булган. Биредә сентябрь өчен күрсәткеч 53 мм санала. Нәтиҗәдә шәһәр транспорты катнашында 10 баллы "бөке" хасил булган, кайбер биналарны су баскан, дип хәбәр итә "Башинформ"га сылтама белән "Татар-информ".



Шәһәр хакимияте хәбәр иткәнчә, коммуналь хезмәтләр ныклы режимда эшләгән.

Реклама

Шәһәр юлларына яңгыр суы белән бергә чүп-чар, ташлар һәм агач ботаклары аккан. Бу тармакта шулай ук шәһәр районнарын төзекләндерү учреждениесе хезмәт куя. Эш тәүлек режимында оештырылган.



Шулай итеп, көчле яңгыр нәтиҗәләрен бетерүдә коммуналь хезмәттән 1500 хезмәткәр һәм 300 берәмлек махсус техника катнашкан.Уфаның 112 Коткару хезмәте мәгълүмати-диспетчер үзәгенә аномаль яңгырдан соң 200дән артык шалтырату булган.

Бүген шәһәрдә хәзергә кадәр кайбер светофорлар эшләми. Бу юнәлеш өчен җаваплы хезмәтләр җайга салу эшләрен алып бара.

Теги: 250
Нравится
Поделиться:
Реклама
Комментарии (0)
Осталось символов: