Шәһри Казан

Коточкыч юл һәлакәте 16 кешенең гомерен өзгән (ВИДЕО)

Кичә Франциядән Италия аркылы Венгриягә кайтучы балалар утырган автобус һәлакәткә очрады.

Венгрия автобусы катнашындагы һәлакәт Веронда булды: 55 кешене утырган автобус баганага бәрелеп, аннары аңа ут капкан. Юл-транспорт һәлакәтендә 16 кешенең гомере өзелгән, 39 кеше төрле тән җәрәхәтләре алган.

Россия Президенты Владимир Путин Венгрия Президенты Янош Адерга һәм Премьер-министры Виктор Орбанга кайгы уртаклашып телеграмма юллаган.

"Бигрәк тә балалар һәм үсмерләр һәлакәт корбаны булуы аяныч", - диелгән Россия Президентының кайгы уртаклашу телеграммасында.

Исегезгә төшерәбез: әле 4 декабрьдә генә Төмән - Ханты-Манси федераль трассасының 926 нчы чакрымында балаларны спорт акробатикасы буенча бәйгегә алып барган автобус юл һәлакәтенә юлыккан иде.

Фаҗигадә 12 кеше һәлак булды: аларның 10ысы - балалар, икесе - акробатика буенча үсмерләр төркеменең тренерлары.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: