Шәһри Казан

Үлгән эт кемгә кирәк? 

Йорт каршындагы бер төркем кешеләрне күреп, башта куркып ук калдым. Баксаң, бер эт үләргә азапланып ята икән. Аның тартышканын, соңгы көченә җир чыкканчы кар тырнаганын балалар да күзәтеп тора. Кемдер этне агулаганнар ди, кайберәүләр чүплектә үзе ярамаган нәрсә ашадымы икән дип фаразлый. Котыру чире йоктырган, авыру булган дигән фикерләр дә ишетелә.

Эткә ничек булса да ярдәм итәргә теләп йортта яшәүчеләр ветеринария хезмәтенә дә шалтыратып карадылар. “Көтегез, ветеринария табибы килер”, дисәләр дә, берәү дә күренмәде. Берничә сәгать азапланганнан соң, эт җан тәслим кылды. Кемдер аның өстенә капчык ябып куйды, кемдер катыргы каплап китте. Этне алып китүче генә юк. Идарәче компания безнең эш түгел ди, участок полициясе дә этләр белән шөгыльләнми. Ветеринария хезмәтләре түләүле кремация тәкъдим итә. Үлгән этне нишләтергә соң? 

Казанның хайваннарны кремацияләү хезмәте белгече аңлатуынча, Казанда үлгән этләрне яндыралар. Этләр өчен күмү урыннары каралмаган. Теләгән җиргә йорт хайванын күмеп кую, законны бозу булып санала. Бу әйләнә-тирә мохит өчен куркыныч тудырырга мөмкин. Үлгән этнең йогышлы авырулы, котыру чире эләктергән булуы да бар. Этнең үле гәүдәсе таркалган саен, һавага начар матдәләр таралачак. Шуңа да шәһәр территориясендә этләрне күмгән өчен штраф каралган. Кремация ясау да түләүле. Этнең зурлыгына карап бәяләр төрле. Әйтик, 25 килодан артыграк авырлыктагы этне яндыру 4500 сумга төшәчәк. Ә хуҗасыз этләрне нишләтергә? 

Реклама

Татарстанның “Хайваннарны яклау җәмгыяте” иҗтимагый оешмасы җитәкчесе Ленард Фәйзуллин аңлатуынча, бу очракта шәһәр администрациясе җаваплы. Казан шәһәре башкарма комитетында хуҗасыз этләрне аулау буенча махсус хезмәт эшли. Алар үлгән этләрне дә алып китәләр. Әгәр эт йортның ишегалды территориясендә үлгән икән, этне алып китсеннәр өчен гаризаны идарәче компания аша тапшырырга була. Тик йорт ишегалдының территорияләрен төгәл белү кирәк. Әгәр эт идарәче компания хезмәт күрсәтә торган территориядә ятмый икән, бу очракта алар гариза кабул итми. Ярдәм сорап “Ачык Казан” сервисына да мөрәҗәгать итәргә була. Телефоны - 2364123. 
“Ачык Казан” безнең гаризаны кабул итеп алды. Этне кайчан алып китәрләр, Алла белсен. Ишегалдыннан узып киткән машиналарга комачаулагач, яшәүчеләр аны үзләре чүплеккә алып барып куйдылар. 

Сүз уңаеннан, күптән түгел Түбән Камада ишегалдында аягын авырттырган эт азапланып яткач, йортта яшәүчеләр ветеринар чакырткан булганнар. Ул этнең хәлен җиңеләйтү өчен аны йоклатырга кирәк дип киңәш биргән.  Йортта яшәүчеләр акча җыешып, биш мең сумга этне “йоклатканнар”, кремацияләү өчен ветеринария  үзәгендә калдырып кайтканнар. Баксаң, хезмәткәрләр этне кызганган, авыртуны баса торган укол гына  кадаган, һәм эт терелеп, икенче көнгә ишегалдына кабат кайтып утырган.  

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    303
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    673
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    341
    2
    2
  • 19 февраля 2018 в 16:43
    Корея кояшы астында безгә бәхет елмаермы?
    Җиңгән очракта – гимн, җанатарларга трибунадан болгар өчен флаг юк дип тормый инде спортчыларыбыз, акрынлап булса да, Олимпия медальләре өчен көрәшүен дәвам итә.
    68
    0
    0
  • 20 февраля 2018 в 09:50
    «Игелек кәрҗине»н бергәләп тутырыйк Казанда 3 мартта ягъни шимбә көнне “Пятерочка”, “Перекресток” һәм “Карусель” кибетләрендә 14.00-18.00 сәгатьләрдә “Игелек кәрҗине” хәйрия чарасы үткәрелә. Бу яңалык “Татар-информ” мәгълүмат агентлыгында әйтелде.
    26
    0
    0