Шәһри Казан

Мураками Казанга кайтты

Япон исемле булса да, Казанда туган Мураками рок-төркеме менә 13 ел инде популярлык биеклегенән төшми. Әле күптән түгел генә алар илебезнең 45ләп шәһәрендә булып, Байкалга, Ерак Көнчыгышка кадәр барып, үз иҗатларын тыңлаучыга җиткереп кайтканнар. Шуңа күрә дә җурналистларга да сөйләр сүзләре, сәяхәттән алган тәэсирләре күп аларның. «Татар-информ» мәгълүмат агентлыгында булып...

Япон исемле булса да, Казанда туган Мураками рок-төркеме менә 13 ел инде популярлык биеклегенән төшми. Әле күптән түгел генә алар илебезнең 45ләп шәһәрендә булып, Байкалга, Ерак Көнчыгышка кадәр барып, үз иҗатларын тыңлаучыга җиткереп кайтканнар. Шуңа күрә дә җурналистларга да сөйләр сүзләре, сәяхәттән алган тәэсирләре күп аларның. «Татар-информ» мәгълүмат агентлыгында булып узган матбугат конференциясенә әлеге төркемнең биш музыканты килгән иде. Антон Кудряшов, Раил Латыйпов, Алексей Конев һәм Диләрә Ваһапова уңышларының сере һәм киләчәк планнары белән уртаклаштылар.

- Без әле кичә генә озын юлдан кайттык. Казанда ай саен 1-2 көннән артык тора алганыбыз юк, - диде төркемнең директоры һәм барабанчысы Иннокентий Менеев. Һәм музыкантлар берсен-берсе бүлдерә-бүлдерә шул шәһәрләрнең тамашачылары һәи аларның ничек кабул итүләре турында сөйләделәр. Бигрәк тә, Мәскәү һәм Питер тамашачысы сокландырган аларны. Архангельск һәм Ярославль тыңлаучысыннан да бик канәгать калганнар. Ә менә Казанда рок концертлар өчен клублар юк икән. Музыкантлар моңа борчылуларын яшермәделәр. Ләкин бу бер Казан гына түгел, бөтен ил проблемасы.

Диләрә Ваһапова әлеге төркемнең солисты һәм җыр текстларының авторы, шагыйре дә. Күптән түгел генә аның икенче шигырь җыентыгы дөнья күргән. Аны төркемнең концертларында автордан култамга белән алырга да була. Җырның сүзләрен Диләрә язса, көен төркемнең егетләре иҗат итә. Шулай итеп, тамашачы күңелен яулый торган җырга кытлык юк төркемдә.

Порпулярлык биеклегендә калыр өчен төркемгә хыялларын эшкә җигеп, экспериментлар ясарга да туры килә. Яңа программаларында тамашачыга 25 минут буе биергә мөмкинлек тудырганнар. Алты ритмик җыр бертуктамый берсе артыннан берсе яңгырап, тыңлаучыны хәрәктәләнергә дәртләндерә.

Тиздән Киевта булачак «Евровидение» тирәсендә чыккан ыгы-зыгы турында да сораулар булды. «Кызганыч, - диделәр музыкантлар, - хәтта сәнгать тә хәзер сәясәтләштерелә».

Бу төркем үзләре популяр булудан тыш яшь рок музыкантларга да һәрдаим ярдәм итеп килә. Казан дәүләт энергетика университетында уза торган «Рок энергиясе» фестивале алар ярдәме белән уңышлы үткәрелә.

- Солист булып, гастрольләрдә йөрсәм дә, әнилек вазыйфамны да тиешле үтәргә тырышам, - диде Диләрә. - Кайда гына барсам да, кызымның нишләп йөргәнен, ни белән шөгыльләнгәнен белеп торам. Интернетка рәхмәт!

Реклама
Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    319
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    450
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    816
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    12
    0
    0