Шәһри Казан

Музейларның ишекләре көндез генә түгел, төнлә дә ачык

Элек музейларда кычкырып сөйләшергә дә, экспонатларга кул белән кагылырга да ярамый иде. Хәзер кагыйдәләр үзгәрде. Төрле сәнгать чаралары еш уздырыла бүген тарих өендә: җыр, шигырьләр, көйләр дә еш яңгырый. Татарстан дәүләт милли музееның өлкән фәнни хезмәткәре Флюра Дәминова оештыра һәм алып бара торган «Әдәби салон»нар моның ачык мисалы.

Тагын шунысы мактаулы: замана музейларының ишекләре көндез генә түгел, төнлә дә ачык, «Сәнгать төннәре», «Музей төн­нәре» даими үткәрелә. Әле күптән түгел генә, шундый «Сәнгать төне» кысаларында, бу музейда кызыклы чара үтте. «Визит пожилого джентельмена» кинофильмы турында кызыклы һәм истә калырлык әңгәмә-кичә булды. Фильм Василий Аксеновның 75 яшьлек юбилеена багышлап, Казан мэры Илсур Метшин инициативасы белән эшләнгән булган. Анда язу­чының Муса Җәлил исемендәге опера һәм балет академия театрында 2007 елда үткән юбилеенда катнашкан Белла Ахмадуллина, Андрей Макаревич, Андрей Вознесенский төшкән кадрлар Васи­лий Аксеновның әти-әнисе язмышы белән үрелеп бара.
 Республиканың танылган кино белгече Әдилә Хәйбуллина бу фильмны җентекләп анализлады һәм үз фикерләре белән дә уртаклашты. Башкалабызның Аксенов музее директоры урынбасары Юлия Хөсәенова музей тарихы белән таныштырды.

Реклама

Әлеге кичә сәнгатьнең төрле төрләрен бергә берләштерде. Аерым кинога багышланган булса да, анда Татарстанның халык рәссамы, Татарстан рәссамнар берлеге рәисе Зөфәр Гыймаев та катнашты. Ул юбилей алдыннан Василий Аксеновның портретын ясаган булган, шуны тамашачыларга күрсәтте, язылу тарихын сөйләде.
 Василий Аксенов белән Рөстәм Кутуйның балачаклары бер ишегалдында узган. Республикабызда үтәчәк «Кутуй-фест»ның режиссер-оештыручысы Маргарита Небальсина әлеге ике зур шәхеснең дуслыгы турында тамашачыларга җиткерде, булачак чараның программасы белән таныштырды.
 Музейның даими кунагы, бүгенге чараның да тамашачысы Сәйдә апа Аппакова бу юлы буш кул белән килмәгән иде – музейга үзенең ике томлык китабын бүләк итеп калдырды.

 

Фото: kudamoscow.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 13 января 2018 в 10:30
    Кайтарыйк Будулайны! «Җырлап ачылмаган күңел мәңге ачылачак түгел», – дип җырлыйлар. Җырлап караган бар минем, көтү көткәндә, чыбыркыны микрофон урынына тотып. Көне буе нишләмәк кирәк ул көтүдә, төрлечә маймылланып карыйсың инде. Моң дәрьясына чума гына башлаганда, берәр азгыны уҗымга каера, «Аһ, инәң башмагы, борыл!» – дип, аның артыннан йөгерәсең, микрофон-чыбыркыны шартлатып. Ә кайберәүләр борылып килгәч тә җырлаганнар, ахры. Чыбыркыны чын микрофонга алмаштырып, хәзер әнә сәхнәдә балкыйлар.
    196
    0
    0
  • 13 января 2018 в 09:10
    «Шәһри Казан»ның тугры укучысы Кайсы гына гәҗит 27 ел буе бертуктамый алдыручы тугры укучылары белән мактана ала икән?! Ә менә сезнең «Шәһри Казан» гәҗите шундый укучыларының берсе белән һичшиксез мактана, горурлана ала. Ул – Казан шәһәренең Нагорный бистәсендә яшәүче 85 яшьлек Асия апа Ибраһимова.
    148
    0
    1
  • 13 января 2018 в 10:00
    Шагыйрь җиңүе Декабрь ахырында Казахстанның Төркестан шәһәрендә ХII Халыкара төрки шигърият фестивале үткәрелде. Ике елга бер тапкыр уздырыла торган әлеге фестиваль – төрки дөнья әдәби хәятендәге иң эзлекле, дәвамлы һәм нәтиҗәле чараларның берсе. Төркия Язучылар берлеге тарафыннан оештырыла торган фестиваль тәүге тапкыр 1992 елда Төркиянең Бурса шәһәрендә ачыла һәм Конья шәһәрендә төгәлләнә. 
    119
    0
    0