Шәһри Казан

Һөнәрләре дә, сәләтләре дә бар

Урамга яз исе таралуга студентлар иҗат дөньясында кайный башлый. Югары уку йортлары «Студентлар язына» әзерләнсә, урта һөнәри белем бирү учрежденияләре «Язгы тамчы» («Весенняя капель») фестивален каршылый.

Реклама

Соңгысының бу көннәрдә (14-16 март) Казандагы зона этабы уза. Өч көн дәвамында 28 коллектив финалга юллама өчен көрәшә.

«Язгы тамчы» фестивале инде 21нче тапкыр көллият һәм техникум студентларын үзенә җыя. Ике дистә ел эчендә аның үз традицияләре, язылмаган кануннары формалашты. Быелгы чараның тематикасы «Безнең дөнья. Минем җирем» («Наш Мир. Моя Земля») атала. Оештыручылар сүзләренчә, мондый абстракт тема катнашучыларга иҗади мөмкинлекләрен төрле өлкәдә сынап карарга ярдәм итәргә тиеш. Бу теманы һәркем үзенчә аңлый бит. Шуңа да сәхнәдә төрледән-төрле бер-берсенә бөтенләй охшамаган номерлар очратырга була иде.

Әйтик, Тимирясов исемендәге Казан инновация университеты студентлары рус язучысы Н.В.Гогольның «Вечера на хуторе Близ Диканьки» әсәренә алынган. Фантастик әсәрнең кыскача эчтәлеген алар җыр-биюләр, театраль күренешләр ярдәмендә 20 минут эчендә сөйләп бирде. Шунысы үзенчәлекле, студентлар чыгышларында заманча элементлар да кертергә онытмаган. Әсәр тематикасына туры китереп эшләнгән мода күренешләре, рус халык җырларына бит-бокс кушып башкарулары белән жюри әгъзаларының күңеленә үтеп керә алды алар.

Казан шәһәренең Башкарма комитетының Балалар һәм яшьләр эшләре комитеты рәисе урынбасары Марат Уразаев сүзләренчә, быел фестиваль бөтенләй яңа форматта үтә.
- Быелдан Казан көллиятләре республика уку йортлары белән ярыша башлады. Бу яңалык аларның чыгышын тагын да камилрәк итәр, фестиваль өчен яңа мөмкинлекләр ачар, - диде ул.

Г.Тукай исемендәге Арча педагогия көллияте чыгышы башкалардан укытучыларга хас булган "тәртипле" номерлары белән аерылып торды. Узган елны фестивальдә беренче урын алган көллият, быел милли тематикага өстенлек биргән. Максатлары - Гран-при алу.

- Биредә без иң зур коллектив. Фестивальгә 70 сәләтле студентларыбызны әзерләдек. Татар халык җырлары, биюләре аша халкыбызның бай мирасын күрсәтәсебез килә, - диде көллиятнең тәрбия эшләре буенча директор урынбасары Гөлнара Гарипова.

Булачак укытучылар заманча алымнарны да онытмаган. Чыгышлары алдыннан көллиятләре турында кызыклы "лазер-шоу" оештырдылар. Ә укытучы һөнәренең үзенчәлеген заманча бию аша күрсәттеләр. Мондый сәләтле, максатчан яшь мөгалимнәргә балаларыңны ышанып тапшырырга була икән!

Г.Тукай исемендәге Әтнә авыл хуҗалыгы техникумы егетләре сәхнәдә бик чая күренсәләр дә, журналистлар алдында бераз каушап калдылар. Алар да милли җыр-биюләр әзерләгән иде.
- Авыл хуҗалыгы көллияте булсак та, укуыбыз иҗат белән бергә үрелеп бара. Ел саен һәр төркем иҗади номер әзерләргә тиеш. Менә шунда иң сәләтле студентларны сайлап алып төрле бәйгеләргә әзерлиләр дә инде, - ди көллиятнең IV курс студенты Рәмис Фазылҗанов. Иҗаттан тыш ул әле спорт белән шөгыльләнергә дә вакыт таба.

- Бу фестивальдә ел саен катнашабыз. Вокал буенча чыгышларыбыз көчле. Узган ел гына техникумда ремонт булу сәбәпле студентларны тиешле дәрәҗәдә әзерли алмадык. Ә болай гел алдынгы урыннарда без. Иҗат студентларга буш вакытларын файдалы үткәрү мөмкинлеге, - диде җитәкчеләре Габделәхәт Шакиров.

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    421
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    305
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    353
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    29
    0
    1