Шәһри Казан

"Республика данын күтәргән спортчылар һәм тренерлар белән горурланабыз"

"Россия һәм халыкара ярышларда республика данын күтәргән спортчылар һәм тренерлар белән без горурланабыз". Бу хакта бүген Татарстан Республикасы Президенты Рөстәм Миңнеханов 2017 елда призлы урыннар яулаган Татарстан Республикасы спортчылары белән очрашуда белдерде. Очрашу хөкүмәт йортында узды. Анда 2017 елгы су спорт төрләре буенча XVII дөнья чемпионатында, 2017 елгы XXIX җәйге...

"Россия һәм халыкара ярышларда республика данын күтәргән спортчылар һәм тренерлар белән без горурланабыз".

Бу хакта бүген Татарстан Республикасы Президенты Рөстәм Миңнеханов 2017 елда призлы урыннар яулаган Татарстан Республикасы спортчылары белән очрашуда белдерде. Очрашу хөкүмәт йортында узды. Анда 2017 елгы су спорт төрләре буенча XVII дөнья чемпионатында, 2017 елгы XXIX җәйге Универсиадада, 2017 елда көрәш буенча дөнья чемпионатында, 2017 елгы XXIII Сурдолимпия җәйге уеннарында катнашкан спортчылар, спорт федерацияләре вәкилләре, тренерлар чакырылган иде, дип хәбәр итә Президентның матбугат хезмәте.

Татарстан Президенты сәламләү сүзендә алга таба да күп санлы зур җиңүлерәр булачагына ышанычын белдерде.

"Татарстан спортчылары - максатака ирешүчән һәм амбицияле яшьләр, алар республика һәм гомумән илебез исеменнән халыкара ярышларда лаеклы чыгыш ясыйлар", - диде Рөстәм Миңнеханов.

Реклама

Ул билгеләп үткәнчә, Татарстан массакүләм һәм профессиональ спортка, заманча спорт инфраструктурасын булдыруга, дөньякүләм спорт чараларын уздыруга, спорт резервын булдыруга, спортчылар һәм тренерларга ярдәм итүгә җитди игътибар бирә. Бүген республикада 10,5 мең спорт объекты бар. Ел саен биредә утыздан артык эре Россия һәм халыкара ярышлары, 800 дән артык төбәк дәрәҗәсендәге ярышлар уздырыла.

Агымдагы елда Татарстанда 16 дөнья һәм Европа чемпионаты, 17 Россия чемпионаты һәм 16 олимпия спорт төрләре буенча чемпионатлар узды.

Спорт тармагында республикада 9 меңнән артык кеше хезмәт итә, шуларның 3 мең тирәсе тренерлар һәм укытучылар, 171 балалар-яшүсмерләр спорт мәктәпләре, 103 спорт федерациясе, Олимпия резервы училищесы, Идел буе дәүләт физкультура, спорт һәм туризм академиясе эшли.

"Милли җыелма командаларга Татарстан республикасыннан 350 спортчы кертелгән, бу соңгы еллардагы эш нәтиҗәсе тәэмин иткән зур мөмкинлек, - диде Рөстәм Миңнеханов. - Сез күрсәткән югары урыннар тәртип, тренировкаларда тырышлыгыгыз, тренер составының бергәләп эшләве,якыннарыгыз һәм җанатарларның сезне хуплап торулары нәтиҗәсе ул. Болар барысы да сезнең быелгы җиңүләрегез белән раслана. Россия һәм халыкара ярышларда республика данын күтәргән спортчылар һәм тренерлар белән горурланабыз, алда сезне тагын күп төрле зур җиңүләр көтә".

Чарада Президент Татарстан Республикасы дәүләт бүләкләрен тапшырды. Аннары Рөстәм Миңнеханов һәм чакырылган спортчылар, тренерлар яңа ярышларга әзерләнү турында фикер алыштылар.

Нравится
Поделиться:
Реклама
Комментарии (0)
Осталось символов: