Шәһри Казан

Россия белгечләре коронавируска каршы дару уйлап тапканнар

Сәламәтлек саклау министрлыгы коронавируска каршы беренче Россия препаратын хуплады.

Дару сәламәтлеккә куркыныч тудырмый һәм нәтиҗәлелеге 80 проценттан югары булуын күрсәткән.
Россия Сәламәтлек саклау министрлыгы Covid-19 коронавирусын дәвалау өчен «Авифавир» дип аталган беренче Россия препаратын хуплады. Бу хакта дару препаратлары дәүләт реестры сайтында хәбәр ителә.

«Авифавир» Россия туры инвестицияләр фондының уртак предприятиесе һәм «ХимРар» компанияләр төркеме тарафыннан ясалган. Даруның нигезен Япониядә гриппны дәвалауда кулланыла торган «Фавипиравир» препараты тәшкил итә.

10 көн дәвам иткән клиник тикшеренүләрнең беренче этабы нәтиҗәләре буенча дару сәламәтлеккә куркыныч тудырмавын күрсәткән. Бернинди тискәре нәтиҗәләр дә ачыкланмаган. Шул ук вакытта, «Авифавир»ның нәтиҗәлелеге 80 проценттан артып китә.

Реклама

Сынауларның соңгы этабында 330 пациент катнашачак.

ТАСС агентлыгы мәгълүматлары буенча, «Авифавир» коронавирусның үрчү механизмнарын боза. Бу клиник сынаулар нәтиҗәсендә расланган.

Фото:pixabay.com

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: