Шәһри Казан

Рөстәм Миңнеханов «КАМАЗ-Мастер» командасын бүләкләде

Татарстан Президенты Рөстәм Миңнеханов бүген "Ефәк юл" раллиенда җиңүчеләр - «КАМАЗ-Мастер» командасы белән очрашты. Казан Кремлендә Татарстан Президенты резиденциясендә бүләкләү тантанасы узды, дип яза Татар-информ.


Искәртеп үтик, ралли 7-22 июльдә узды. Йөк машиналары арасында Татарстан спортчылары бөтен Мактау пьедесталын алды. Беренче урында - Дмитрий Сотников, икенче - Антон Шибалов, өченче - Айрат Мәрдиев экипажы.

Татарстан Президенты Чаллы командасының чираттагы җиңүенә үз өлешен керткән өчен җиңүчеләргә дәүләт бүләкләрен тапшырды.

"Сезне чираттагы сынауны уңышлы тәмамлавыгыз белән котлыйм. Ярыш нәтиҗәләре буенча сез бөтен дөньяга иң яхшы команда булуыгызны исбатладыгыз", - дип мөрәҗәгать итте Рөстәм Миңнеханов. «КАМАЗ-Мастер» командасы Россия, Татарстан техникасының ышанычлы булуын, шулай ук тизлек, профессионализм һәм үз эшенә тугрылыкны символлаштыра.

Күп еллар дәвамында Чаллы командасы төрле ярышлар җиңүчесе һәм призеры булды. Команда 4 тапкыр "Дакар" ралли-марафоны җиңүчесе һәм 7 тапкыр "Ефәк юл" халыкара раллиенда иң яхшылар рәтендә булды, дип искәртте республика лидеры.

Реклама



Команда җитәкчесе Владимир Чагин, әлеге җиңү - республика, Чаллы һәм "КАМАЗ" җитәкчелеге тырышлыгы да, дип билгеләп узды. Алар команданың яраткан эше белән шөгыльләнү һәм уңышларга ирешү мөмкинлеге булсын өчен барлык шартларны да тудырды, дип белдерде.

"Без беренче тапкыр нәкъ менә "Ефәк юл"дан соң очрашабыз. Гадәттә безнең очрашулар "Дакар"дан соң уза. Алда - җитди узышлар", - диде Татарстан Президенты Аппараты җитәкчесе Әсгать Сәфәров.

Нравится
Поделиться:
Реклама
Комментарии (0)
Реклама
  • 17 май 2018 - 11:28
    Өй салуның ние бар? - 2
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
Ночной режим