Шәһри Казан

Рөстәм Миңнеханов: «Авыл мәдәният йортларында тормыш кайнап торсын»

Безнең республика төрле милләт вәкилләренең озак вакыт бергә гомер итү буенча позитив тәҗрибәсе белән аерылып тора. Хакимият органнарының бурычы – милләтләр арасында дуслыкны, татулыкны, иминлекне саклап калу. Бу – Татарстанның эзлекле үсеше нигезе.

Татарстан Президенты каршындагы милләтара һәм конфессияара мөнәсәбәтләр буенча совет утырышында сүз, асылда, этномәдәни инфраструктура үсеше турында барды, дип яза «Татар-информ».
Татарстан Президенты Рөстәм Миңнеханов кереш сүзендә, Татарстанның күп халыклар өчен уртак йорт булуын ассызыклап, барлык милләтләрнең мәдәниятләрен һәм традицияләрен саклап калу өстенлекле юнәлешләрнең берсе булуын билгеләп узды. Аның әйтүенчә, халыкларның рухи мәнфәгатьләрен канәгатьләндерү өчен тиешле шартлар булдыру зарур.
– Моның өчен тиешле инфраструктура булу мөһим. Татарстанда төрле учреждениеләрнең киң челтәре үсеш ала. Бу – Халыклар дуслыгы йортлары, мәктәпләр, музей, театрлар, клублар һәм башкалар. Безнең гомуми эш төрле халык вәкилләренең этник үзенчәлеген саклап калуга йөз тотарга тиеш, – диде Рөстәм Миңнеханов.

Татарстанның мәдәният министры Айрат Сибагатуллин Татарстан халыкларының Дуслык йортлары санын арттырырга тәкъдим итте. Министр хәбәр итүенчә, тиздән Халыклар дуслыгы йортлары Мамадыш, Алабуга, Чүпрәле районнарында эшли башлаячак. Ул башка күпмилләтле районнарда да шундый учреждениеләр ачарга кирәк дип саный. Мисал итеп, Әгерҗе, Әлмәт, Бөгелмә, Кукмара районнарын атады.

– Татарстан халыкларының Дуслык йортлары челтәре – Россиядә иң тиз үсеш алучы һәм иң нәтиҗәле челтәрләрнең берсе. Аларда ел дәвамында мәгърифәт, белем бирү һәм мәдәни төсмердәге уртача 250ләп чара уза. Дуслык йортлары республиканың милли җәмәгатьчелеге инициативаларына ярдәм күрсәтү буенча нәтиҗәле ресурс үзәкләренә әверелде, – диде мәдәният министры.

Реклама

Утырышта Рөстәм Миңнеханов авыл мәдәният йортларын да искә алып үтте.
– Авыл мәдәният йортларында тормыш кайнап торсын. Соңгы елларда республикада авыл клублары төзелеше буенча эш бара. Алар чын иҗтимагый үзәкләр булырга, рус, татар, чуваш һәм башка халыкларның мәдәниятләрен саклауга юнәлдерелергә, анда төрле милләтләрнең секция, түгәрәкләре эшләргә тиеш. Анда китапханәсе дә, яшьләр өчен тәрбияви функцияләр, башкасы да булсын. Безгә эш ничек барганын күзәтеп, анализлап торырга кирәк, – дип белдерде Президент.

Мәдәният йортларыннан соң сүз китапханәләргә күчте. Татарстанда 1418 китапханә – рус һәм татар халкына, 33 китапханә – удмурт, 128е чуваш халкына хезмәт күрсәтә. 22 китапханәдә – марилар, 16сында – мордва-эрзя, 12сендә – мордва-мукшылар, 10 китапханәдә башкорт милләте вәкилләре үз телләрендә язылган китапларны таба ала. Россия халыклары телендә җәмгысы 5 млн 829 мең 491 данә китап исәпләнә.

Айрат Сибагатуллин әйтүенчә, төрле программалар ярдәмендә, ел саен республика китапханәләренә төрле милли телләрдә 17 меңнән артык китап һәм аудиовизуаль материал килеп ирешә. Татарстанның китапханә эшен үстерү программасы буенча, барлык 1514 китапханә компьютер техникасы белән җиһазландырылган, 91 проценты интернетка тоташтырылган.

 

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
  • noname
    17 января 2018 в 12:51
    Миңә концерт бик оҡшаны ,ҙур рәхмәт барыһынала .
  • noname
    16 января 2018 в 21:03
    Прокомментировал запись: Тол хатыннан ачык ХАТ
    Эйтэлэр бит: булмаса- бирэ алмый, булса- курэ алмый дип.
  • noname
    16 января 2018 в 16:34
    Луиза Янсуарнын ижаты белэн тэуге кабат бик куптэн " Комеш кынгырау" газетасында басылган шигырьлэре аша танышкан идем. Шул вакыт гажэпкэ калган идем. Мэрхум Альберт абый Яхин белэн сойлэшкэндэ ул бер жомлэ белэн " заманыннан алда туган татарны танытучы, беркемне дэ кабатламый торган шагыйрэ булачак ул безнен " , дигэн иде. Хэзер дэ бик яратып укыйм. Яшереп тормыйм, эдэбиятчы булсам да, кайбер нэрсэлэр башка барып та житми. Анлаганчы укырга тырышам. Унышлар сезгэ!
  • noname
    13 января 2018 в 19:21
    Эйе шул,сусыз тилмерэ авыл халкы.хэзер бит су кермэгэн авыллар бик сирэк,хэзерге техника заманында бигрэк тэ....бик эйбэт булыр иде ,житэкчелэр сузлэрендэ торып,халыкны сулы итсэлэр.
  • noname
    13 января 2018 в 16:40
    Спорт ареналарын тутырып торырга омтелэбез!
Интервью
  • 17 января 2018 в 17:28
    Минзәлә районының Куян авылын кондызлар суга батырган (ВИДЕО) Редакциябезгә Минзәлә районының Куян авылын кондызлар суга батырган, дигән хәбәр килеп иреште. Куян авылы Бикбау авыл җирлегенә керә. Шуңа күрә без әлеге хәлләр турында тулырак белер өчен Бикбау авыл җирлеге рәисе Люзия Мәрданшина белән элемтәгә чыктык.
    36
    0
    0