Шәһри Казан

«Рубин» президентсыз калды

Кичә «Рубин» футбол клубының президенты Валерий Сорокин белән баш тренер Ринат Билалетдиновны отставкага җибәрү турында карар кабул ителде.

ТР Президенты матбугат хезмәте хәбәрендә: «Татарстан Республикасы Президенты вазифаларын вакытлыча башкаручы Рөстәм Миңнеханов бүген «Рубин» футбол клубының президенты Валерий Сорокинга һәм баш тренер Ринат Билалетдиновка, команданың түбән дәрәҗәдә уйнавы сәбәпле, клуб белән идарә итү вәкаләтләреннән үз теләкләре белән баш тартырга тәкъдим итте», - диелгән.

Реклама

Бүген Валерий Сорокин үз теләге белән вазыйфасын калдыру турында гариза язган. Якын арада узачак Попечительләр советы утырышында аның язмышы һәм футбол клубы белән идарә итү мәсьәләсе каралачак.

"Рубин" Россия чемпионатының җиде турында алты тапкыр җиңелде. Әлеге үзгәрешләрнең төп сәбәбе дә шул уңышсыз уеннар булды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: