Шәһри Казан

Сыртлановалар Сабада үсә

Ватаныңны ярату-патриотизм хисен яшьтән тәрбияләгәндә генә көтелгән нәтиҗәләргә, зур уңышларга ирешеп була. Бүген Ватанны саклаучылар көнен каршыларга әзерләнгәндә, Татарстан Министрлар Кабинетында узган брифинг та шушы мөһим мәсьәләгә багышланган иде. Журналистлар каршында Татарстан яшьләр эшләре һәм спорт министры Владимир Леонов, патриотик аңны үстерергә булыша торган төрле иҗтимагый оешма җиткәчеләре, Саба кадет...

- Без балаларыбыз, яшьләребез үз Ватаннарын яратсын өчен барысын да эшләргә тырышабыз, - диде министр брифингны ачып җибәреп. - Патриотик тәрбия бирүдә безнең Татарстан Россия Федерациясендә алдынгы рәттә. - Республикабыз егетләрне армиягә чакыру кампаниясендә менә алтынчы ел инде беренчелекне берәүгә дә бирми. Моңа, билгеле, яшьләр белән зур эш алып бару нәтиҗәсендә генә ирешеп була, - дип министр республикабызда бу юнәлештә эшләнгән эшләргә киңрәк тукталды. Бу эш Татарстанда узган ел махсус программа буенча алып барылган булган, быел да әлеге программа 2020 елга кадәр озайтылган һәм финансланган. Патриотик тәрбия эшенең төп өлешен "Патриот" үзәге башкара. Ул 57 хәрби-патриотик клуб белән бергә армиягә каралыр яшькә җиткән егетләрне физик һәм рухи яктан чыныккан солдатлар булырга әзерли. Мондый кирәкле эштә республикабызның кадет мәктәпләре дә алдынгы рольне уйный. Саба кадетлар мәктәбенең 10 сыйныф укучысы, Казан кызы Луара Әхмәтова үз чыгышында шуны ассызыклады:
- Без, Саба кадетлар мәктәбеннән бер төркем егетләр-кызлар, 2016 елда Волгоградта узган Бөтенроссия "Җиңү" уены ярышларында катнаштык. Миңа үземә кыз кеше буларак, автоматны сүтеп-җыю шактый кыен булды. Шулай да, сынатмадым: кайбер егетләрдән тизрәк тә җыйганымны белгәч, үзем дә гаҗәпләндем. Бергәләп тырышканга, безнең Татарстан командасы бишенче призлы урынны яулады, - дип шатланып сөйләде кыз.
Ә менә Татарстан турындагы чыгышлары икенче урынны алган. Мамаев курганда булу да бик тәэсирле булып, күңелләренә кереп калган. Луара үзенең хәрби очучы буласы килү хыялын да яшермәде. Киләчәкнең Мәгубә Сыртлановасын зал алкышларга күмде.
"Ватан" берләшмәсе активисты Диләрә Гарипова оешма тарафыннан алып барылган эзләнү эшләренә тукталып, болай диде:
- Без узган ел гына Ленинград өлкәсе һәм Белоруссиянең каты сугышлар барган җирләрендәге эзләнүләрдә 636 сугышчының җәсәден табып алып, хөрмәтләп җирләдек, 8 енең исемнәрен билгели алдык. Ул Президентыбыз Рөстәм Миңнехановка оешмаларына бина биргәне өчен рәхмәтен дә җиткерде. Алар анда 15 регионнан килгән эзләнүчеләрне укытканнар. Быел 27 февраль көнне студентларның эзләнү отряды вәкилләре Казанга үзләренең беренче слетларына җыелалар. Нишләп Казанга дигән сорау урынсыз, чөнки бу эшне Казан Дәүләт университетының "Кар десанты" илдә беренчеләрдә булып, 1968 елда ук башлап җибәргән иде.
"Җиңү волонтерлары" оешмасы җитәкчесе Азат Идрисов, республикабызда сугыш ветераннарына ярдәм итүдә, Георгий тасмалары таратуда, "Үлемсез полк" составында волонтерларның башлап йөрүен һәм күпсанлы булуын әйтте.
"Татарстан яшьләре иҗат академиясе" оешмасы җитәкчесе Андрей Петухов та үз оешмаларының патриотик юнәлештә башкарган эшләре турында сөйләде. Соңыннан бу эштә актив булганнарга Татарстан Республикасы яшьләр эшләре һәм спорт министры Владимир Леонов министрлыкның Мактау грамоталарын тапшырды.

Реклама
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    346
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    460
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    831
    0
    2