Шәһри Казан

Талантлар мәктәбе ачылды

18-23 август көннәрендә Казанда «Сәләтләр ачышы» IX җәйге яшьләр мәктәбе уза. Анда 13-30 яшьлек 400гә якын бала һәм яшьләр катнаша. Катнашучыларның яртысы - республика, Россия күләмендәге төрле олимпиада җиңүчеләре, икенче өлеше - үз проектларын яклап, мәктәпкә конкурс аша узган яшьләр.

Реклама

Әлеге чараны Казан талантлар университеты үткәрә. Алты көн дәвамында мәктәптә белем алган иң актив 100 бала киләчәктә «Татарстан Республикасының 2015-2020 елларга сәләтләр белән стратегик идарәсе» дәүләт программасына эләгәчәк. Бер ел дәвамында бу яшьләр Талантлар университетында белем ала, соңыннан республиканың төрле эре оешмаларында үзен сынап карый ала.
Җәйге мәктәпне оештыру өчен, ел саен республика бюджетыннан 11 миллион сум акча бүлеп бирелә. Чараның төп максаты - сәләтле кешеләрне табу, өйрәтү, аларны «кирәкле кешеләр» белән таныштыру, иҗатларына тиешле юнәлеш бирү. Талантлар университетына эләгү өчен, имтихан бирергә кирәкми. Төп таләп - фән-техника, социаль, бизнес өлкәсендә үз проектларыңны тормышка ашыру. Әйтик, университет укучылары Татарстан оешмалары өчен аерым чүп җыю хезмәтен яраклаштыра, счетчиклардан мәгълүмат санарга ярдәм итә.
Бер атнага якын белем алу нәтиҗәсе буларак, катнашучылар үз проектларын министрлык, оешма җитәкчеләре алдында яклый. Иң уңышлы эшләр киләчәктә белгечләр белән тормышка ашырылачак. Балалар белән исә Татарстан, Россия белгечләреннән тыш, «Сколково» инновация үзәге хезмәткәрләре дә эшләячәк.

Алисә Сабирова.

Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    126
    0
    0
Ночной режим