Шәһри Казан

Татарча язмаган өчен штраф?!

Татарстанда элмә такталар ике дәүләт телендә - татарча һәм русча язылмый икән, моның өчен штраф кертергә җыеналар. «ТР Дәүләт телләре һәм башка телләр турында»гы законның элмә такталарга кагылышлы өлеше үтәлмәгән өчен җәзаны катгыйландыруны сорап, Татарстанның мәгариф һәм фән министры Энгель Фәттахов Дәүләт Советына закон проекты тәкъдим иткән. Закон 1992 елда...

Татарстанда элмә такталар ике дәүләт телендә - татарча һәм русча язылмый икән, моның өчен штраф кертергә җыеналар. «ТР Дәүләт телләре һәм башка телләр турында»гы законның элмә такталарга кагылышлы өлеше үтәлмәгән өчен җәзаны катгыйландыруны сорап, Татарстанның мәгариф һәм фән министры Энгель Фәттахов Дәүләт Советына закон проекты тәкъдим иткән.
Закон 1992 елда ук кабул ителгән. Аның элмә такталарга кагылышлы өлешен бозган өчен административ җаваплылыкка тарту каралган. Татар телендә элмә такта булмаган өчен дәүләт хакимияте, җирле үзидарә оешмаларына, ширкәтләргә 500 сумнан 1000 сумга кадәр штраф яный, әмма закон тулы көченә эшләп китә алмаган. Ә менә Башкортстан, Бурятия һәм Саха республикаларында андый канун гамәлгә уңышлы гына ашырыла икән.
Разил Вәлиев, Дәүләт Советының мәгариф, мәдәният, фән һәм милли мәсьәләләр комитеты рәисе:
- Бу зур яңалык түгел анысы, әмма бу үзгәрешләргә бик уңай карыйм. Элмә такталар, географик атамалар, юл күрсәткечләренең ике телдә язылырга тиешлеге хакындагы маддә законда күптәннән бар. Тик аны бозган өчен административ җаваплылыкка тарту каралса да, протоколны кем тутырырга тиешлеге ачыкланмый кала бирде. Законны гамәлгә кертү механизмы эшләнеп бетмәгән иде. Административ закон буенча, әлеге кагыйдәне бозган өчен, 500дән 1000 сумга кадәр штраф каралган. Тик мин бу сумма белән килешмим. Штраф суммасын арттыруны сорап, законга үзгәрешләр тәкъдим итәргә җыенам. Протокол тутыруны район, шәһәр хакимиятенә йөкләргә уйлыйлар.
Конфедерацияләр Кубогы матчлары уңаеннан, «Казан-Арена» стадионы янында парк эшли. Анда йөзләгән элмә такта куелган, тик берсе дә татар телендә түгел, рус һәм инглиз телләрендә язылган. Югыйсә, уеннарны карарга килгән җанатарлар арасында чит ил татарлары да күп. Татарстанда - татарларның башкаласында - алар туган телдә элмә такталар күрергә телиләр. Закон тулы көченә эшли башлагач, хәл уңай якка үзгәрер дип уйлыйбыз.

Реклама
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    189
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    598
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    529
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    364
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    197
    0
    0
Ночной режим