Шәһри Казан

Татарстан мөфтие Камил хәзрәт Сәмигуллин эшлекле сәфәр белән Швейцария башкаласы Женевада

Бу көннәрдә Татарстан мөфтие Камил хәзрәт Сәмигуллин эшлекле сәфәр белән Женевада (Швейцария). Биредә ул Берләшкән милләтләр оешмасы Кеше хокуклары буенча советының 34 нче сессиясендә катнаша. Бу хакта Диния нәзарәте матбугат хезмәте хәбәр итә.

Әлеге чара һәр елны дөньяның хөрмәтле иҗтимагый-сәяси һәм дини лидерларын җыя. Россиянең мөселман өммәтен тәкъдим итү Татарстан мөфтие Камил хәзрәт Сәмигуллин вазифасына йөкләнгән. Мөфтинең, Татарстанның динара һәм милләтара уникаль тәҗрибәсен истә тотып, бу тәҗрибәне таныту максатыннан сессия кысаларында үткәрелүче күп чараларда катнашуы, чыгышлар ясавы көтелә.
Халыкара чарада дөньякүләм җәмәгатьчелеккә Россиядәге һәм төбәкләрдәге вәзгыять, кеше хокукларын саклауда Россия кулланган адымнар хакында дөрес мәгълүмат җиткерү зур әһәмияткә ия.
tatar-inform.tatar

Реклама

«Шәһри Казан»га Telegramда язылыгыз

Теги: 250
Нравится
Поделиться:
Реклама
Комментарии (0)
Осталось символов: