Шәһри Казан

Татарстанда, өстенә каен авып, бер ир-ат үлгән

Лениногорск районында 64 яшьлек ир-атның өстенә каен ауган, дип хәбәр итә Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий.

Реклама

Бәхетсезлек очрагы кичә Михайловка авылында булган. Зыян күрүчене хастаханәгә озатканнар, әмма ул шул ук көнне алган җәрәхәтләрдән үлгән.

Әлеге факт нигезендә "Саксызлык аркасында үлемгә китерү" маддәсе буенча җинаять эше кузгатылган.

Шикләнелеп, 24 яшьлек күршесе тоткарланган. Ул тулысы белән гаебен таныган.

Тикшерү мәгълүматлары буенча, ир-атлар, бергәләп, урманга законсыз рәвештә каен агачлары кисәргә юнәлгән. Бер мизгелдә 24 яшьлек егетнең кискән каен агачы иптәшенең өстенә килеп төшкән. Нәтиҗәдә, алган яралардан ир-атның гомере хастаханәдә өзелгән.

Татар-информ

Нравится
Поделиться:
Реклама
Комментарии (0)
Осталось символов: