Шәһри Казан

Татарстанда йөк машиналары бәрелешкән ВИДЕО пәйда булды (ФОТОЛАР)

Югары Ослан районында М7 трассасының 759нчы километрында булган һәлакәтнең нечкәлекләре ачыкланган. Бу хакта «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итте. Ачыкланганча, фуралар трассадан колонна белән барган. Кайсыдыр бер мизгелдә Мәскәү номерлары булган «Мерседес» йөк машинасы, дистанция сакламыйча, алда барган «КАМАЗ»га килеп...

Югары Ослан районында М7 трассасының 759нчы километрында булган һәлакәтнең нечкәлекләре ачыкланган. Бу хакта «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итте.

Ачыкланганча, фуралар трассадан колонна белән барган. Кайсыдыр бер мизгелдә Мәскәү номерлары булган «Мерседес» йөк машинасы, дистанция сакламыйча, алда барган «КАМАЗ»га килеп кергән.

Шуннан соң автомобильләр бер-бер артлы «Вольво» һәм «Сузуки» машиналарына килеп бәрелгән. Һәлакәт нәтиҗәсендә «Мерседес» кабинасы изелгән, йөртүчесе конструкцияләр арасында кысылып калган.

Реклама



Һәлакәт урынына ЮХИДИ, 154нче янгын сүндерү часте һәм 2нче зона коткаручылары килгән. Алар гидравлик инструмент ярдәмендә кисеп, машина йөртүчесен изелгән кабинадан чыгарган.

Коткаручылар 46 яшьлек «Мерседес» йөртүчесенә беренче ярдәм күрсәтеп, табиблар кулына тапшырган. Аягы сынган ир-атны Казанның 12нче шәһәр хастаханәсенә озатканнар.



Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: