Шәһри Казан

Татарстанда йөрәк-кан тамырлары авыруларыннан үлүчеләр саны кими

Бүген Казанда "Сезнең сәламәтлегегез - Россиянең киләчәге" милли проекты кысаларында, йөрәк-кан тамырлары авыруларына каршы көрәш көне үтте.

Реклама

Аның максаты - йөрәк-кан тамырлары авыруларын мөмкин кадәр алданрак ачыклау һәм халыкның үз сәламәтлегенә игътибарын арттыру. Аерым алганда, проект дислипидемия, ягъни матдаләр алмашы бозылу нәтиҗәсендә кандагы холестерин дәрәҗәсе арту проблемасына юнәлтелгән. Әгәр статистика мәгълүматларына карасак, Россия халкының 50 проценттан артыгында холестеринның гомуми дәрәҗәсе нормадан югарырак, шул ук вакытта аларның 80 проценты үзләренең холестерин дәрәҗәсен белми. Шуңа күрә әлеге проектның актуальлеге бәхәссез. Кеше үз сәламәтлегенә никадәр күбрәк игътибар итсә, авыруларны да шуның кадәр тизрәк ачыклап булачак. Тикшеренүләр кешедә бер яки берничә фактор (тәмәке тарту, югары кан басымы, шикәр авыруы, холестерин дәрәҗәсе арту һәм симерү) булган очракта, йөрәк-кан тамырлары авыруыннан үлү куркынычы булуын дәлилләгән.

"Сезнең сәламәтлегегез - Россиянең киләчәге" проекты артериаль гипертония буенча Россия медицина җәмгыяте тәкъдиме белән сәламәтлек саклау буенча Дәүләт Думасы комитеты ярдәмендә эшли башлады.

Әлеге проектка 2011 елда нигез салынган иде. Социаль проект табибларга гына түгел, ә авыруларга да юнәлтелгән булырга тиеш, дигән карарга килдек. 2015 ел Россия Президенты Владимир Путин тәкъдиме белән йөрәк-кан тамырлары авыруларына каршы көрәш елы дип игълан ителгән иде. Нәтиҗәдә, без әлеге авырулардан үлүчеләр саны кимүен күрәбез. Россиядәге уртача күрсәткечләр белән чагыштырганда, Татарстанда бу саннар кимрәк тә әле. 100 мең халыкка 601 очрак туры килә. Без максатка ирештек, әмма моның белән генә тукталып калырга уйламыйбыз. АКШ һәм Европада бу күрсәткечләр - 100 мең халыкка 250-300 очрак. Без дә әнә шуңа омтылабыз, - диде Россия сәламәтлек саклау министрлыгының штаттан тыш баш белгеч-кардиологы Ирина Чазова.

Бу теманы тулырак яктырткан язманы "Шәһри Казан" сайтыннан алдагы көннәрдә укый аласыз.

Нравится
Поделиться:
Реклама
Комментарии (0)
Осталось символов: