Шәһри Казан

Тиздән балалар үзебезнең милли «мультик»ларны карый башлаячак

Әле кайчан гына бездә милли кино да, анимацион фильм да юк иде. Инде менә соңгы җиде елда «Татармультфильм» студиясе «таба»сыннан 80нән артык мультфильм төшкән һәм төрле конкурс-бәйгеләрдә җиңү дә яулый башлаган. «Кисекбаш» мультфильмы хәтта Халыкара конкурс премиясенә дә ия булган. Ә күптән түгел генә коллектив 15-20 мартта Суздаль шәһәрендә узган...

Реклама

Әле кайчан гына бездә милли кино да, анимацион фильм да юк иде. Инде менә соңгы җиде елда «Татармультфильм» студиясе «таба»сыннан 80нән артык мультфильм төшкән һәм төрле конкурс-бәйгеләрдә җиңү дә яулый башлаган.

«Кисекбаш» мультфильмы хәтта Халыкара конкурс премиясенә дә ия булган. Ә күптән түгел генә коллектив 15-20 мартта Суздаль шәһәрендә узган анимацион фильмнарның XXII Бөтенроссия ачык фестиваленнән зур җиңү - «Милли анимацияне үстергән өчен» дигән Диплом алып кайтты.

Коллективның ике елга якын күңел биреп эшләгән хезмәтенең нәтиҗәсе - «Мирас угы» тулы метражлы анимация фильмы Россия сәнгатькәрләре тарафыннан шулай югары бәяләнгән. Башта аны жюри конкурс программасына керткән, аннары уннарча эш арасыннан җиңүче итеп сайлап алган. Ә бит бу - Татарстанның беренче тулы метражлы анимация фильмы. Коллектив әлеге мультфильмны җәйге каникул көннәрендә балаларга күрсәткән иде инде. Нәни тамашачылар төп геройлары Роман белән Зөләйхага ияреп, туган як тарихын өйрәнделәр, риваятьләр, тарихи истәлекләр белән таныштылар. Үткәннәргә саксыз карауның нинди аянычлы нәтиҗәләргә китергәнен белделәр. Алты яшьтән зуррак балаларга адресланган бу мультфильм нәни тамашачыга гына түгел, аны караган һәркемгә тарихның иң шәп фән икәнен аңлата.

«Татармультфильм» коллективы, үзләренең бу олы җиңү шатлыгын журналистлар, язучылар һәм башка якын дуслары белән уртаклашырга теләп, башкаланың «Родина» үзәгендә әлеге фильмны тәкъдим итте.

- Безнең өчен мондый мәр­тәбәле конкурста катнашу зур дәрәҗә, - диде «Татармультфильм»ның баш режиссеры Сергей Киатров. - Ә инде диплом алу - монысы уңышның да уңышы. Мин үзем әлеге фильмны Татарстанның барлык балалары да караячагын уйлап сөенәм. Узган атнада гына Казан мәктәп-интернатларында хәйрия сеанслары күрсәттек.
«Татармультфильм» студиясе директоры Азат Ганиев сүзен Президентыбыз Рөстәм Миңнехановка, мәдәният министрлыгына рәхмәт әйтүдән башлады.

«Мирас угы»ның татарча һәм инглизчә вариантлары да булачак дип тә ышандырдылар. Өч телдәге матур китап булып дөнья күрергә өлгергән дә инде ул.

«Татармультфильм» - әлегә Татарстанда системалы эшли торган бердәнбер студия. Ул ел саен 120 минутлык сыйфатлы мультфильм иҗат итә. Димәк, тиздән балаларыбыз чит ил роботларын түгел, ә үзебезнең тарихка, әдәбиятыбызга нигезләнгән милли «мультик»ларны ешрак карый алачак.

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    421
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    305
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    353
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    29
    0
    1