Шәһри Казан

Тәмәке тартмаучыларның эш сәгатен 5 сәгатькә киметәләр

Дәүләт Думасы депутаты Василий Власов Россия хезмәт һәм социаль яклау министры Максим Топилинга тәмәке тартмаучы хезмәткәрләрнең эш атнасын 5 сәгатькә киметеп, 35 сәгатькә калдыру мөмкинлеген карарга тәкъдим иткән, дип хәбәр итә ТАСС агентлыгы. Россия Хезмәт кодексы нигезләмәсе буенча эш вакыты атнасына 40 сәгатьне тәшкил итә.

Депутат әйтүенчә, Россиянең тәмәке тартучылар аркасындагы югалтулары тулаем төбәк продуктының (ВВП) 3 процентын тәшкил итә икән. Власов фикеренчә, әлеге алым тәмәке тартуны ташлауга стимул булачак.

– Безгә Европа илләренең хезмәт законнары белән бәйле тәҗрибәсен үзләштереп карарга мөмкин. Әлеге илләрдә социаль гарантияләр бирү һәм эш вакытын кыскарту ысулларын оста кулланалар», – ди Власов. – Хәзерге вакытта мин тәмәке тартмаучылар өчен 35 сәгатьлек эш атнасын гамәлгә кертү турында инициатива әзерлим.

Реклама

Депутат фикеренчә, яңа чара ил икътисадында да, халыкның сәламәтлегендә дә уңай чагылыш табачак.

Ильмир Садриев, 20 елдан артык стажлы тәмәке тартучы:
– Беренчедән, әлеге проект кабул ителмәячәк, бу хакта элек тә ниндидер сүз булган иде инде. Икенчедән, керткән очракта да, тәмәке тартучылар кимер дип уйламыйм. Тарткан кеше барыбер тарта. Ә тарткан кешенең хезмәт җитештерүчәнлеге тартмаган кешенекеннән кимрәк түгел, киресенчә, артыграк та булырга мөмкин әле. Бөек шәхесләрнең бөтенесе тарткан, Сталин, Фидель Кастроны гына ал, авызларыннан трубка төшмәгән. Мондый бик озын исемлек китерергә мөмкин.

Фото: bloknot.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 13 января 2018 в 10:30
    Кайтарыйк Будулайны! «Җырлап ачылмаган күңел мәңге ачылачак түгел», – дип җырлыйлар. Җырлап караган бар минем, көтү көткәндә, чыбыркыны микрофон урынына тотып. Көне буе нишләмәк кирәк ул көтүдә, төрлечә маймылланып карыйсың инде. Моң дәрьясына чума гына башлаганда, берәр азгыны уҗымга каера, «Аһ, инәң башмагы, борыл!» – дип, аның артыннан йөгерәсең, микрофон-чыбыркыны шартлатып. Ә кайберәүләр борылып килгәч тә җырлаганнар, ахры. Чыбыркыны чын микрофонга алмаштырып, хәзер әнә сәхнәдә балкыйлар.
    191
    0
    0
  • 13 января 2018 в 09:10
    «Шәһри Казан»ның тугры укучысы Кайсы гына гәҗит 27 ел буе бертуктамый алдыручы тугры укучылары белән мактана ала икән?! Ә менә сезнең «Шәһри Казан» гәҗите шундый укучыларының берсе белән һичшиксез мактана, горурлана ала. Ул – Казан шәһәренең Нагорный бистәсендә яшәүче 85 яшьлек Асия апа Ибраһимова.
    141
    0
    1
  • 13 января 2018 в 10:00
    Шагыйрь җиңүе Декабрь ахырында Казахстанның Төркестан шәһәрендә ХII Халыкара төрки шигърият фестивале үткәрелде. Ике елга бер тапкыр уздырыла торган әлеге фестиваль – төрки дөнья әдәби хәятендәге иң эзлекле, дәвамлы һәм нәтиҗәле чараларның берсе. Төркия Язучылар берлеге тарафыннан оештырыла торган фестиваль тәүге тапкыр 1992 елда Төркиянең Бурса шәһәрендә ачыла һәм Конья шәһәрендә төгәлләнә. 
    117
    0
    0