Шәһри Казан

Тоталь диктант телләр географиясен киңәйтә

Татар, рус һәм немец телләре белән беррәттән тоталь диктантны эрзя һәм мокша телләрендә язачаклар.

Реклама

Акция бу елның 6 апрелендә узачак. «Эрзя һәм мокша телләрендә тоталь диктант» россиякүләм белем бирү бушлай акциясенең оештыручылары булып Фин-угыр халыклары мәдәниятенең Идел буе үзәге һәм Мордовия Республикасының мәдәният һәм милли сәясәт министрлыгы тора. Тоталь диктантта яшь, милләт, социаль статус, эрзя һәм мокша телләрен ни дәрәҗәдә белү-белмәүгә карамастан, теләге булган һәркем катнаша ала. Татарстанда әлеге акция мордва халкы күпләп яшәгән районнарда узачак. Нәтиҗәләр тоталь диктант үтеп биш көн узганнан соң игълан ителә. Аларны Фин-угыр халыклары мәдәниятенең Идел буе үзәгенең рәсми сайтында карарга мөмкин булачак, дип хәбәр итә Татарстан халыклары дуслыгы йорты мәгълүмат үзәге.

Теги: 250
Нравится
Поделиться:
Реклама
Комментарии (0)
Осталось символов: